Ilisimatusarfimmi prorektoritut atorfik septembarip aallaqqaataani 2026-mi  isumaqatigiissuteqarnikkulluunniit inuttassarsiuunneqarpoq.

Ilisimatusarfik Kalaallit Nunaanni issittumilu ilisimatusarfiuvoq, nunatsinnut issittumullu iluaqutaasussanik ilisimasanik, ilinniakkanik aamma ilisimatusarnermik ineriartortitsinermi qitiulluni. Ilisimatusarfik najukkami takussaavoq, inuiaqatigiit, oqartussat, suliffeqarfiit innuttaasullu qanimut suleqatigai, nunamilu avataaniillu attaveqaatit Ilisimatusarfiup ingerlanneqarneranut pingaarutilittut illutik. 

Ilisimatusarfiup iliuusissatut pilersaarutaa nutaaq aallaavigalugu ineriartortitsilluartoqaleruttorpoq. Iliuusissatut pilersaarummi anguniakkat naleqartitallu ilisimatusarfiup iluani suleqatigiilluni erseqqissumik piviusunngortikkiartuaarneranik ukiuni tullerni ingerlatsisoqassaaq. Tamannalu ilaatigut ilinniakkanik ineriartortitseqqinnermik, digitalinngorsaanermik ilinniakkanillu eqaallisakkamik neqerooruteqartarnissamik imaqassapput, taamaalilluni ilinniarnissaq nunatsinni tamarmi periarfissaalissalluni, saniatigut ilisimatusartoqatigiit avatangiisaannik nukittorsaanerit, Ilimmarfiullu allilerneqarluni sanaartortoqarnissaa pissalluni.

Ilisimatusarneq Ilisimatusarfiup inuiaqatigiinnut suliassaani qitiuvoq. Ilisimatusarfiup ilisimatusarnerup pitsanngortinnissaa anguniarlugu suliaqarpoq aamma Kalaallit Nunaanni nunanilu tamalaani ilinniarfiit saniatigullu nunap inoqqaavisa ilinniarfii qaffasinnerusut suleqatiginerisa ineriartortinnissaat suliassaani qitiupputtaaq.  1945-p kingorna Danmarkip aamma Kalaallit Nunaata akornanni oqaluttuarisaanermi pisimasut pillugit qulaajaaneq ilisimatuussutsikkut tunngaveqarluartumik Ilisimatusarfimmit ingerlanneqarportaaq. 

Prorektorip suliassai

Rektori, prorektori ilisimatusarfiullu pisortaa Ilisimatusarfiup qullersarai, institutinilu aqutsisut suleqatigalugit sinaakkutillu tunngavigalugit ulluinnarni aqutsinertik Ilisimatusarfimmi ingerlappaat. 

Ilisimatusarfiup ineriartortsinnissaanut rektorip suliaqaqqinnissaanut Prorektorip tapertaaffigissavaa, iliuusissatut pilersaarutip piviusunngortinneqarnissaanut, ilinniarfiit ilisimatusarnerillu ineriartortinnissaanut immikkut ittumik akisussaaffeqarpoq, soorluttaaq ilisimatusarfiup Kalaallit Nunaanni nunanilu allani suleqatigiinnerit nukittorsarnissaannut akisussaasuullutik.

Rektorip siunnersuisoqatigiinnik ataatsimiititalianillu pilersitsinermi sullissinermilu suliaqarnerani prorektorip ikiussavaa, taamaasilluni ilinniartitsineq ilisimatusarnerlu, suleqatigisat suliffimmilu avatangiisini pissutsit taakkuninngalu ineriartortitsinerit  aamma nalilersuinerit ingerlaavartumik isumagineqassapput.

Immikkullu ittumik aaqqissuussaanikkut ataqatigiissaarinissanik Prorektori akisussaaffilerneqassaaq, oqaluttuarisaanermilu pisimasut pillugit qulaajaanerup ilisimatuussutsikkut tunngaveqarluarnissaanut Ilisimatusarfimmi suliaqarnermik prorektori immikkut isumaginnittuussaaq.

Rektorip qanimut isumaqatigiissutigineqarfigineratigut ulluinnarni aqutsinermut atatillugu rektorip prorektorillu suliassaat agguataarneqassapput - aamma piffissap suliffiusup ilaa ilisimatusarnermut atorneqarnissaa isumaqatigiissutigineqarsinnaavoq.

Prorektori rektorimut sinniisuusartussaavoq rektorillu sulinnginnerani/pisinnaannginnerani suliassaanik piginnaatitaaneranillu tigusisartussaalluni.

Piginnaasassat

• Qinnuteqartoq Ilisimatusarfik pillugu Inatsisartut inatsisaat malillugu ph.d.-tut assingusumilluunniit misilittagaqassaaq ilinniagaqarsimanissaalu piumasaqaataavoq. 
• Qinnuteqartoq Kalaallit Nunaanni pissutsit pillugit aamma ilinniartitaaneq pillugu ilisimasaqassaaq. 
• Qinnuteqartoq pilersaarusiornermik tunaartaqarluni aqutsinermi minnerpaamik ukiuni marlunni misilittagaqassaaq, imaluunniit ilinniartitaanerup iluani aqutsisutut misilittagaqarluni.
• Qinnuteqartoq aqutsinermik ilisimatusarnermik ilinniartitaanermillu suliassaqarfimmi misilittagaqassaaq. 
• Qinnuteqartoq Ilisimatusarfiup ingerlanneqarneranut misilittagaqassaaq, Ilisimatusarfiullu inuiaqatigiinnut suliassaqarfii suleqatigiinnerilu ilisimassavai.

Qinnuteqartup aamma ukua piginnaasarissagai pingaartinneqarpoq: 

• Misissuilluarsinnaassuseqarneq, ingerlatsinermut misilittagaqarluarneq, ingerlatsinermullu pilersaarusiornermut tunngasunut piginnaasaqarneq. 
• Ilisimatusarnermut ilisimatusarfinnilu ilinniartitsinermut misilittagaqarnermut uppernarsaateqarneq.
• Allaffissornermi ilisimatusarnerullu iluani suliassat ingerlallugit ataqatigiissarlugillu.
• Ilisimatusarfiup suliassaqarfiisa iluani arlalinniluunniit ilisimatusarnermi pitsaalluinnartumik misilittagaqarneq.
• Suleqatigiinnermik attaveqaqatigiinnermilu piginnaasaqarluarnissaq, illup iluani avataanilu suleqatigiinnermik pilersitsisinnaaneq.
• kalaallisut qallunaatut, tuluttullu oqalussinnaaneq. 
• Nunanut allanut eqqummaarilluni malinnaasoq, nunatsinnilu avataanilu suleqateqarnermik misilittagaqarneq.

Attavigisassat/ paasissutissat:

Atorfik pillugu sukumiinerusunik paasisaqarusukkuit rektori Mari Kleist, attaviginissaanut tikilluaqqusaavutit oqarasuaammut uunga +299 34 73 04 / 282021. Ilisimatusarfik pillugu paasisaqarnerorusukkuit uani paasisaqarnerusinnaavutit www.uni.gl

Atorfinitsitsinermi ingerlatseriaaseq

Rektori ataatsimiititaliamik siunnersuisussamik pilersitsissaaq, qinnuteqartut pillugit ilisimatinneqartartussamik, siunnersuisullu qinnuteqartut akornanni  atorfinitsitsinissamut oqaluunneqarnissaminnut aggersagassatut piukkussatik naliliivigissavaat.  Piukkunnaatillit rektorip siulersuisunut innersuutigissavai, taakkualu atorfinitsitsineq pillugu aalajangiisuussapput.

Ilisimatusarfik pillugu

Ilisimatusarfik 1987-imi pilersinneqarpoq. Maannakuugallartoq ilinniarneqarsinnaasut assigiinngitsut 13-upput, taamatuttaaq Ilisimatusarfiup neqeroorutigai diplom-imut masterimullu saniatigut ilinniarnerit. Ilisimatusarfik issittumi universitetiuvoq nunarsuup ilaani pilertortumik ineriartorfiusumi nutaanik ilisimasaqalerfiusoq nutaaliorfiusorlu. Siulersuisut tassaapput Ilisimatusarfiup qullersai. Ulluinnarni aqutsineq rektorimit direktørimillu ingerlanneqarpoq. Instituttit sisamaasut Instituttini Siunnersuisoqatigiinnit siunnersorneqartumik siulersorneqarput.
 
Ilisimatusarfik sisamanik instituteqarpoq:

• Ilinniartitsinermik Ilisimatusarfik
• Inuiaqatigiilerinermik, Aningaasaqarnermik Tusagassiornermillu Ilisimatusarfik
• Kulturimik, Oqaatsinik Oqaluttuarisaanermillu Ilisimatusarfik
• Peqqissaanermik Pinngortitamillu Ilisimatusarfik

Allaffissornikkut aqutsisoqatigiiffik pillugu
Allaffissornikkut aqutsisoqatigiiffiup ilisimatusarfik tamakkerlugu sullitaraa. Ilisimatusarfiup direktørianit aqunneqarpoq. Allaffissornikkut aqutsisoqatigiiffik Ilimmarfimmi immikkoortortaqarpoq. Immikkoortortat ilinniartitsivinni ingerlatsiviusunik qanimut suleqateqartarput soorlu namminneq akunnerminni aamma suleqatigiittartut. Allaffissornikkut aqutsisoqatigiiffimmi suliassat tassaapput: ilinniartut pillugit-, sulisut pillugit allaffissornikkut aqutsineq, Siulersuisunik, Akademisk Rådimik kiisalu ilimmarfimmi sulisunik ilinniartunillu sullissineq. Allaffissornikkut aqutsisoqatigiiffiup Ilimmarfiup illutaanik sanaartornermik nakkutiginninneq aamma ingerlataraa.

Akissarsiatigut atorfinitsitaanermilu atugassarititaasut

Atorfik ukiuni pingasuni piffissalersugaasumik inuttalerneqassaaq. Atorfik akissaateqarfimmi LR 38-mi maanna inissisimavoq.  1. april 2026 LR 38-mi tunngaviusumik akissarsiaq tapiillu aalajangersimasut, soraarnerusutissianullu illuartittagaq ilanngullu, sivisussusilimmik atorfinitsitsinermut tapeq ilanngullugu antterussuseqarput qaamammut   Kr. 78.594 ukiumullu Kr. 943.128

Aallaavittut isumaqatigiissutini atugassarititaasut naapertorlugit atorfinitsitsisoqassaaq, qinnuteqartoq tjenestemanditut atorfeqareersimaguni Nunatsinni pisortani tjenestemandit pillugit inatsisit malillugit tjenestemandinut atugassarititaasut naapertorlugit atorfinitsinneqarsinnaavoq.

Piffissap suliffiusussap sivisussusissaa aallaavittut sapaatip akunneranut nalunaaquttap akunnerinik 40-nik sivisussuseqarpoq. Atorfimmut atuuttoq tassaavoq, piffissap suliffiusussap qanoq sivisutiginissaa killilersugaanngimmat, aammalu qaangiuttoornermi ajunngitsorsiassat akilerneqarnissaat ullullu sulinngiffissat annaaneqartut ajunngitsorsiassarsissutiginissaat atorneqarsinnaanngillat. 

Naalagaaffiup ataani atorfeqartut isumaqatigiissutaasimasut naapertorlugit aningaasarsiaqarnatik sulinngiffeqarnissamut periarfissinneqarnikuupput, tjenestemanditut isumaqatigiissulluunniit naapertorlugu atorfeqaruni assersuutigalugu kattuffiup AC-ip isumaqatigiissutigiissutaa kiisalu DJØF-ip Finansministeriallu akornanni isumaqatigiissut naapertorlugu. Qallunaat nunaanni nunap iluani pissutsinut ministereqarfiusup innersuussutigivaa Kalaallit Nunaanni Namminersorlutik Oqartussat ataanni atorfinikkumallutik qinnuteqartut sapinngisamik akimmisaarfigineqassanngitsut akissarsiaqarnatik sulinngiffeqarniarlutik qinnueqarpata, sulinngiffeqarnissamut isumaqatigiissutit qinnuteqartup inooqataanuttaaq assingusumik atuutsinneqarput.

Akissarsianut atorfeqartitaanermullu tunngasutigut piumasaqaatit, taakkununnga ilanngullugit atorfinikkiartorluni soraarlunilu angalanermut aamma pequtit nassiunneqarnerinut akiliunneqarsinnaatitaaneq, Namminersorlutik Oqartussat aamma pineqartup kattuffiata isumaqatigiinniarsinnaatitaasup akornanni isumaqatigiissutit piffissami atorfiniffiusumi atuuttut naapertorlugit pissapput.

Atorfik suliffissaq Nuummiippoq.

Najugaq 

Atorfimmut atatillugu inissiamik innersuussisoqanngilaq. Qinnuteqartoq Namminersorlutik Oqartussani atorfeqarnini aqqutigalugu sulisutut ineqareersimaguni sulisutut inissiamik innersuussivigineqarnissamut pisinnaatitaaffia attatiinnarneqassaaq. Sulisutut inigisaq atorfeqarnermut tunngavoq, atorfeqarnerullu uninnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. E-mail-ikkut qinnuteqaatinik tigusineq ajorpugut.