Ph.d.-tut atorfik - Imarpissualerineq - Kalaallit Nunaata imartaata allangoriartornera, Sila Pissusianik ilisimatusarfimmut
Silap Pissusianik Ilisimatusarfik Nuummi Pinngortitaleriffimmiittoq piumassusilimmik ph.d.-kandidatimik ukiut pingasut atorfeqartussamik ujaasivoq. Atorfik suliaavoq Danmarks Frie Forskningsfondimit (DFF) aningaasaliiffigineqartoq, Kalaallit Nunaata imartaata nikerartarneranik sermit uukkartarfii kangerluit inuiaqatigiinnullu kinguneqartarneri suliarineqartarlutik.
Kalaallit Nunaata toqqavia imaannarsuarmi kangerlunnut ataneranik erngup uunartup kuunnerata sermit uukkartarfiisa aakkiartornerannut, immallu sarfarneranut, immami uumasoqatigiiaanut avatangiisaasalu ataqatigiinnerannut aammalu aalisarnermut sunniuteqartarpoq. Ukiamiilli upernaap tungaanut misissuinerit suli killeqarput. Kalaallit Nunaata kujataata kitaani Nuup Kangerlua nunallu toqqavia aallaavigalugit atorfinittussaq ukiup ingerlanerini angalasassaaq, ukioq naallugu nakkutilliinerit (moorings) aammalu atortorissaarutit atorlugit ukiumoortunik nunap toqqavia kangerluillu ataqatigiinnerannik paasissutissanik suliaqartartussaalluni.
Pingaarnertut akisussaaffiit
- Ukiup nikerarnerani nunap toqqaviani Nuullu Kangerluani immamut tunngasunik paasissutissanik katersineq.
- Imaani naalaarutinik kivisitsisarluni qaqitsisarlunilu (moorings) puttasuliallu nipinik paasissutissanillu katersisartunik sarfaatitsitsilaartarluni.
- Immap pissusianik ilisimatusarnikkut suliaqarneq aammalu missueqqissaarnermik paasissutissanik ukiup allanngorarnerani nunap toqqammavianit kangerlunnilu erngup kissartup tarajoqanngitsullu ingerlaartarnerisa misissuiffigineqarnissaat.
- Paasissutissanik suliaqarneq, ammasumik paasissutissanik ingerlatitseqqiineq, ilinniartitsineq nunatsinnilu innuttaasunik peqataatitsinermik suliaqarnerit.
- Nunat assigiinngitsut akornanni akuerineqarsimasunik ilisimatuussutsikkut saqqummiineq aammalu ilisimatusarnikkut ataatsimiinnerni saqqummiisarneq.
Misilittakkat pisinnaasallu
- Imarpissualerisutut kandidatitut allagartaqarneq, ingeniøritut ilisimatusarsimanissaq, avatangiisinut ilisimatusarsimanissaq assingusunulluunniit kandidatgradeqarneq (MSc).
- Suleqateqarsinnaanermik annertuumik soqutigisaqarneq aammalu issittumi angallatini misissuutini avanngarusimasumi sulilluarsinnaanermik piginnaasaqarneq.
- Paasissutissanik katersinermik aammalu ilisimatusarnikkut suliaqarnikkut piginnaasaqarneq (ass. R, Python eller MATLAB).
- Imarpissualerisutut suleriutsinut aammalu kangerlunni- nunallu toqqavianik suleriutsinut nalunngisaqarnissaq.
- Imarpissualerisutut atortunik atuinissamut ilisimasaqarneq (CTD, moorings, sensorer imaluunniit autonome platforme) nalunngisaqarneq iluaqutaassaaq.
- Tuluttut allattariarsornikkut oqaluttariarsornikkullu piginnaasaqarneq aammalu nammineerlutit suliaqarsinnaaneq, taamatullu suleqatigiinnut assigiinngitsunut akuulluarsinnaanermik pikkoriffeqarneq.
Atorfik
Suliami ph.d.-tut ilinniartutut tamakkiisumik atorfeqassaatit aammalu Ilisimatusarfimmi ukiuni pingasuni ilinniartuussallutit, Kalaallit Nunaannilu suliaqartuussallutit (nunani allani pikkorissarnerit sivikitsut suliaqariartornerit eqqaassanngikkaanni). Suliaq GINR aammalu Aarhus Universitet suleqatigalugit naammassineqassaaq aammalu kandidati ilisimatusartuunernit AU.meersunit GINR-imeersunillu ikorfartorneqarumaarpoq.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Paasisaqarnerorusukkuit
Paasisaqarnerorusukkuit: Lorenz Meire attavigisinnaavat ugguuna e-mail lome@natur.gl.
Qinnuteqarfissap ullua kingulleq: Aggustip 31-at 2026.
Qinnuteqaat
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Om Naalakkersuisut
Søger du udfordringer og har lyst til at præge hverdagen gennem dit arbejdsliv og være med til at forme fremtiden, så er et job hos Grønlands Selvstyre noget for dig. Vi forventer stor ansvarlighed og vægter faglige kvalifikationer, en sund analytisk tilgang til tingene samt omstillingsparathed højt hos medarbejderne. Herudover er din evne til at strukturere hverdagen og bevare overblikket vigtig. Grønlands Selvstyre består af en Centraladministration, med mere end 650 ansatte fordelt på flere departementer, samt en lang række decentrale enheder. Tilsammen er vi mere end 2500 mennesker tilknyttet Grønlands Selvstyre. Centraladministrationens opgave er, at sikre Naalakkersuisut (regeringen) et solidt politisk beslutningsgrundlag, samt at føre de politiske beslutninger ud i livet. Du kan læse mere om Grønlands Selvstyre på http://www.naalakkersuisut.gl/job