Meeqqanut ilaqutariinnullu Kalaallit Nunaanniittunut malunnaatilimmik sunneeqataanissamik kissaateqarlutit paasisitsiniaanermik suliaqarusuppit?
Isumaginninermik Aqutsisoqarfiup ataani pitsaaliuinermik immikkoortortaqarfimmi Paarisami inummut peqqinnarnerusumik sulianik suliaqartarpugut, taamatullu aamma pitsaaliuinermi inooqataanikkut peqqissutsikkullu pinaveersaartitsinermik suliaqartarluta. Suliniutigut tamarmik Inuuneritta III-mit aallaavigisarpaat /aallaaveqarput taamatullu imminut toquttarneq pillugu suliniut Qamani aallaaviusarluni. Peqqinnartumik inuuneqalernissamik suliniutit taamatullu aamma pinaveersaartitsinermi sulianiutit inerisarneqartuartarput oqaloqatigiinnikkut inuiaqatigiit akornanni, suut kissaataanersut suullu periarfissaanersut suliniutinik pisariaqartinneqartunik isumalinniik aallartisarneqarsinnaasut aallaavigalugit sumiiffikkaartuuneri malittaralugit. Aallaavingalugit Paarisami attaveqaqatigiinnermi suleqatissatut nutaatut inissisimaffigilissavat avammut nittarsaassisuuneq sulianik suliaqartunut inuiaqatigiinnullu tamanut. Immikkoortortaqarfimmiilertussaavutit immikkoortortaqarfimmi pisortalimmik aammalu inunnik 17-inik sulisulimmi. 

Illup iluani illullu avataanut attaveqaqatigiinnerup ingerlannissaa inerisarnissaalu akisussaaffigilertussaavat. 

Suliassatit pingaanerit makkuussapput:

• Paarisap nittartagaa (www.paarisa.gl), inuit attaveqaqatigiittarfianut atuisuuffii kiisalu ataatsimoorussamik e-mail-erisatta nakkutiginissai akisussaaffiginissaalu suliassarni pingaarnerit ilagissavaat.
• Nutaarsiassanik pingaartunik, tusagassiutinut nalunaarutinik nittarsaassanillu pingaarutilinnik misissuillutillu allattarnissat suliassavit ilagissavaat.
• Sulianut tunngalluinnartumik oqaaserineqartartut inuinnarnut paasiuminarsarlugit inunnullu qanilaartunngorlugit suliaqartunut inuiaqataasunullu saqqummiuttassavatit.
• Paasitsitiniutitta pitsaassusanik qularnaarinnittassaatit, ataatsimeeqatigiinnitsinni ataatsimiisitsinernilu annertuuni imaqarniliortassallutit. 
• Workshopinut, isumasioqatigiinnernut innuttaasunullu sammisaqartitsinermi illup iluani illullu avataani pisuni pilersaarusioqataallutillu ingerlatseqataasassaatit Paarisap immikkut aningaasalikkat tigummisaanni.
• Suliassanik suugaluartunik takkuttunik suliaqarsinnaassaatit. 

Illit pillutit makkua naatsorsuutigaagut:

• Attaveqaqatigiinneq pillugu, tusagassiortutut assigisaannilluunniit ilinniagaqarsimassaatit.
• Oqaluttuaaraliaaqqanik oqaluttuussillaqqissuussaatit paasitsinniaalluarsinnaallutit oqaloqatigiinnermillu aallartitsisinnaassallutit. 
• Nittartakkanut, tusagassiutinut inuillu attaveqaqatigiittarfiannut paasissutissanik sanaartornissamik misilittagaqassaatit. 
• Attaveqaqatigiinnermi sulianik annertuunik aqutsisinnaallutillu sulianillu tamanik isiginnissinnaassuseqassaatit. 
• Nikerarsinnaasumik suliaqarsinnaasuussaatit inerisaajuarnermik ukkassillutit suleqatigiinnerlu akornutissaqanngitsoq kikkunnik tamanik peqataaffigineqarsinnaasoq pilersissinnaassallugu. 
• IT-mi atortorissaarutinut systeminullu aalajangersimasunut soorlu umbraco aamma X-flow nalunngisaqassaatit. Taamatullu kalaallit piorsarsimassusaannut inuiaqatigiinnerannullu ilisimasaqassaatit. 
• Kalaallisut danskisullu oqaaseqartuussaatit allassinnaassallutillu kalaallisut danskisullu. 

Makkua neqeroorutigisinnaavagut:

• Immikkoortortaqarfitsinni inerisartuartumi pissanganartumilu qitiusumik inissisimajumaarputit.
• Suleqatit avataaniillu suleqatigisassatit suliaminnut ilisimasaqarluartut nukittuullu akornaniilerumaarputit.
• Suliffeqarfik qaffasittumik inissisimasutut imminut isigisoq taamatullu tutsuiginarluinnartoq sulisunullu suliffigissaajuartoq suliffigilerumaarpat. 
• Atorfik sulinermut sammisumik ineriartortuartoq inuttullu inerikkiartornermik periarfissalik suliffigilerumaarpat. 

Sulinermut atatillugu angalasarnissaq naatsorsuutigineqassaaq. 

Isumaginninnermik Aqutsisoqarfik pillugu:
Isumaginninnermut Aqutsisoqarfik Meeqqanut, Inuusuttunut Ilaqutariinnermullu Naalakkersuisoqarfiup ataanni aqutsisoqarfiuvoq tallimanik immikkoortortalik: Paarisa, ulloq unnuarlu meeqqat inuusuttullu paaqqinnittarfiinik, sullissisunik siunnersuisarfik, aningaasaqarnermut immikkoortortaq aamma allattoqarfik. Immikkoortortaqarfiit qanimut suleqatigiittarput aamma ilinniagaq aallaavigalugu suliat amerlasuut suliffimmi tassani unammillernartorpassuaqartarput.

Ulloq atorfiniffik
1. november 2026 isumaqatigissuteqarnikkulluunniit.

Qinnuteqarfissaq kingulleq tassaavoq 22. september 2026.
Qinnuteqarfissaq naareersimatsiarpat atorfinititsiniarluni oqaloqatiginninnerit pissasut ilimagineqarput.

Akissarsiat aamma atorfeqarnermi atugassarititaasut 
Akissarsiat atorfeqarnermilu atugassarititaasut, matumani atorfininnermi soraarnermullu angalanerit kiisalu pisattat assartorneqarneri piffissap atorfininnerup nalaani Namminersorlutik Oqartussat aamma kattuffiup isumaqatiginninniuteqarsinnaatitaasup akornanni isumaqatigiissut atuuttoq naapertorlugu akilerneqassapput.

Piffissaq suliffiusoq tunngaviusumik sapaatip-akunneranut nalunaaquttap akunneri 40-pput.

Inissiaq
Atorfimmut atatillugu sulisunut inissiamik innersuussisoqanngilaq. Qinnuteqartorli Namminersorlutik Oqartussani atorfeqarnini aqqutigalugu sulisutut ineqareersimaguni sulisunut inissiamik innersuussiffigineqarsinnaanini pigiinnassavaa. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Paasissutissat amerlanerit
Atorfik pillugu paasissutissat amerlanerusut pisariaqartikkukkit Paarisami immikkoortortaqarfimmi pisortaagallartoq Caya Refsgaard Lynge oqarasuaat +299 34 66 83  imaluunniit mailikkut caya@nanoq.gl attavigisinnaavatit.

Qinnuteqaat, siusinnerusukkut suliffigisimasat, ilinniarsimanermut pikkorissarnermullu uppernarsaatit kiisalu uppernarsaatit attuumassuteqarsinnaasut allat ”Qinnuteqaat nassiuguk” toorlugu nassiutikkit.

Maili atorlugu qinnuteqaatinik tigusineq ajorpugut.