Økonom (AC -fuldmægtig) Aalisarnermut, Piniarnermut, Nunalerinermut Imminullu Pilersornermut Naalakkersuisoqarfimmut
Kalaallit Nunaanni suliassaqarfinni pingaarnersaat ilaanni aningaasaqarnikkut tunngavimmik ilusilersueqataarusuppit? Misissueqqissaarnerit pisariusut suliarinissaat, naalakkersuisunut sullissineq suliffillu illit ilinniakkavit inuiaqatigiit ineriartornerannut toqqaannartumik sunniuteqarfiusumi sulinissat nuannaraagit? Taava illiusimassaaq økonom ujartugarput.
Aalisarnermut, Piniarnermut, Nunalerinermut Imminullu Pilersornermut Naalakkersuisoqarfimmi Kalaallit Nunaata isumalluutai uumassusillit piujuaannartitsisumik aqunneqarnerini pitsaasumillu qulakkeerinnilluni sulinermi qitiusumik inissisimaffeqalissaatit. Aalisarneq, piniarneq imminullu pilersorneq nunatta aningaasaqarneranut, kulturianut aamma siunissami ineriartorneranut qitiulluinnartuupput — aamma illit økonomitut aalajangiinerit, misissueqqissaarnerit naalakkersuinikkullu suliniutit suliamut inuiaqatigiillu aningaasaqarnerannut patajaatsumik tunngaveqarneri pingaarutilittut inissisimallutit qulakkeertassavatit.
Suliassat
Atorfimmi aningaasaqarnermut misissueqqissaarnerit, kingunerisassanik nalilersuinerit periaatsinillu ineriartortitsinerit naalakkersuinermi sulianut ikorfartuutaasussat aalajangiinissamullu suleriaatsinut ikorfartuutaasussanik suliaqartassaatit. Suliamut inuiaqatigiillu aningaasaqarnerannut tunngasunik misissueqqissaarnernik suliaqartassaatit, suliassaqarfimmut tapiissuteqartarnermut aaqqissuussanik tunngasun ik EU-mut nalunaarusioqataallutit kiisalu aalisarneq pillugu ukiumut nalunaarummik suliaqarnermi suleqataallutit. Taakku saniatigut suleqatitit naalakkersuisoqarfimmi suliassaqarfinni tamani aningaasaqarnermut tunngasunik siunnersortassavatit Naalakkersuisunullu aalajangernissaannut siunnersuusiornermik suliaqarnermi ilaasassallutit. Aamma nunat tamalaat akornanni ataatsimiinnerni siunissamilu ilaatigut isumaqatiginninniarnerni peqataasassaatit, soorluttaaq naalakkersuisumut ingerlaavartumik sullissinermi ilaasassasutit kiisalu Inatsisartunit apeqqutinik akissuteqarnermi suleqataasassallutit.
Immikkoortortaqarfimmi ilinniakkatigut ataatsimoorussillaqqissumi, ammasumik oqaloqatigiiffiusumi aamma suliap aaqqiiviginiarnerani suleqatigiinneq qitiutillugu suliaqarfiusartumi peqataalissaatit. Sulineq suleqatit akornanni suleqatigiinnermi qanimut isumasioqatigiiffiulluni pisarpoq, ilisimasanik ingerlaavartumik avitseqatigiinneq kiisalu ikioqatigiiffiusumik ileqqoqarluni sulineruvoq. Ilutigisaanik Naalakkersuisoqarfiup immikkoortortaasa tallimaasut assigiinngitsut suleqatigiinnerini pissusissamisoortumik inissisimassaatit, taakkunani suliat pisariusut amerlanertigut ataqatigiissaarneqarnissaminnik, ataatsimoorunneqarlutik pingaarnersiuiffigineqarnissaminnik aamma suliaqarfiit assigiinngitsut ataatsimoorullutik inatsisitigut ikiorteqarnissaminnik pisariaqartitsikkajuttarput. Tassa imaappoq, illit immikkoortortaqarfimmi nukittuumik ataatsimoorfiusoq suliffimmilu tamarmi siammasissumik attaveqarfiusartoq suleqataaffigilissagit, tassani illit ataqatigiittoqarnissaanik, inatsisitigut qulakkeerinnittoqarnissaanik aamma naalakkersuisoqarfiup ataatsimut sulinerata pitsaassusaanik pilersitseqataasassaatit.
Suliffimmi ileqqorissuunerup attatiinnarneqarnissaanik samminnittoqartarpoq, tassani sulinerup saniatigut eqaatsumik pissuseqarnissaq inuuneqarnissarlu inissaqartinneqartarput, aamma tassani illit sullivimmi avatangiisit pitsaasut ulluinnarnilu aalajaassuseq suliatigut angorusutatit oqimaaqatigiissaarsinnaassavatit.
Makkuninnga piginnaasalimmik sulisussarsiorpugut:
Aningaasaqarnermut kandidatitut ilinniarsimasumik sulisussarsiorpugut, assersuutigalugu cand.polit assingusumilluunniit ilinniarsimasoq, misissueqqissaarnermik nukittuffilik kiisalu aningaasaqarnermut tunngasunik sulinermik misilittagalik. Excel-imik atuillaqqittuussaatit, kisitsisilerillaqqillutit kiisalu aningaasaqarnermi ataqatigiinnerit pisariusut ersarissumik eqqoqqissaartumillu paasitilluarlugit ingerlateqqissinnaassallugit. Naalakkersuinikkut aqutami sulineq nuannaraat, namminersorlutit aamma sukumiisumik sulisarlutit, suleqatigillaqqittuuvutit kiisalu inuiaqatigiit ineriartornerannut naalakkersuinikkullu sulianut soqutigisaqarluartuullutit.
Suliassanut tunngasunut suleqatillu avatangiisaanut peqataaneq
Naalakkersuisoqarfimmi aningaasaqarnermut sulianut tunngasutigut piginnaasaqarfiulluartumi aalajangiisartullu qanillugit aamma suliamut tunngasunik suleqatigiiaat akimorlugit suleqatigiilluartuni suleqataalissaatit. Kalaallit Nunaata uumassusilinnik isumalluutaanik piujuartitsisumik akisussaassusilimmillu aqutsinermik qulakkeerinninniarluni sulinermi qitiusumik inissisimassaatit, aamma suliassaqarfinni assigiinngitsuni immikkoortortat, Kalaallit Nunaanni Aalisarnermut Piniarnermullu Nakkutilliisoqarfik soqutigisaqaqatigiillu allat qanimut suleqatigissavatit. Ataqatigiissaakkamik Aningaasaqarnermut Akileraartarnermullu Naalakkersuisoqarfik qanimut suleqatigineqarpoq, tassami pingaartumik aalisarneq Nunatta karsianut aningaasanullu Inatsimmik suliaqarnermi pingaaruteqarluinnarami. Atorfik suliamut tunngasumik ineriartornissamut kiisalu nuna tamakkerlugu pingaarutilimmik suliassaqarfimmik paasinninnissamik pitsaasumik periarfissiivoq.
Atorfinitsinneqarnissaq 1. December 2026 isumaqatigiissuteqarnikkulluunniit.
Paasissutissat allat
Atorfik pillugu paasisaqarnerorusukkuit, aningaasaqarnermut ilisimasalik Rasmus Bæk mailikkut: rabp@nanoq.gl imaluunniit oqarasuaatitigut +45 93885048\\345375 imaluunniit Thomas Rassing mailikkut: thra@nanoq.gl imaluunniit tlf. + 299 555333 attaviginissaannut tikilluaqqusaavutit.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Qinnuteqartoq uppernarsaatitalinnik piginnaasalik immikkut siunnersortitut, siunnersortit pisortaatut siunnersortaanertulluunniit isumaqatigiissutit naapertorlugit atorfinitsinneqarsinnaasarpoq.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Om Naalakkersuisut
Søger du udfordringer og har lyst til at præge hverdagen gennem dit arbejdsliv og være med til at forme fremtiden, så er et job hos Grønlands Selvstyre noget for dig. Vi forventer stor ansvarlighed og vægter faglige kvalifikationer, en sund analytisk tilgang til tingene samt omstillingsparathed højt hos medarbejderne. Herudover er din evne til at strukturere hverdagen og bevare overblikket vigtig. Grønlands Selvstyre består af en Centraladministration, med mere end 650 ansatte fordelt på flere departementer, samt en lang række decentrale enheder. Tilsammen er vi mere end 2500 mennesker tilknyttet Grønlands Selvstyre. Centraladministrationens opgave er, at sikre Naalakkersuisut (regeringen) et solidt politisk beslutningsgrundlag, samt at føre de politiske beslutninger ud i livet. Du kan læse mere om Grønlands Selvstyre på http://www.naalakkersuisut.gl/job