Teknikkimik Ilinniarfik, KTI Sisimiuniittoq allaffimmi aqutsisussarsiorpoq 1. oktober 2026 imaluunniit isumaqatigiissuteqarnikkut atorfinissinnaasumik. 

Allaffimmi aqutsisutut unammilligassanik tigusinissamut piareersimavit, aqutsinermillu misilittagaqarlutit kiisalu aningaasaqarnermi allaffissornikkut misilittagaqarlutit? 
Taava illit ujartorpatsigit.

Teknikkimik Ilinniarfik Sisimiuniittoq Namminersorlutik Oqartussanit ingerlanneqartuuvoq, Nuummi Sisimiunilu ilinniartitaanernik assigiinngitsunik ingerlatsilluni. Immikkoortortat ilaatigut ukuupput: Saviminilerinermut, sanaartornermut, aatsitassarsiornermut, gymnasiale uddannelser-imut kiisalu oqaatsinik pikkorissartitsinernut tunngasut.

KTI-p Københavnsmaskinmesterskole aamma Arctic DTU suleqatigai.

KTI ukiuni kingullerni ineriartorpoq, sammisatigut annertusiartortumik, inuussutissarsiutinut ilinniartitaanernik amerlanerusunik kiisalu ilinniartitaanernut allanut ingerlaqqinnissamut periarfissiisunik pikkorissartitsinernik neqerooruteqartarluni.

Tamatuma saniatigut KTI Sisimiuni ilinniartunut najugaqarfinnik katillugit 360-it missaannik amerlassusilinnik, ilinniartunut, sulisunut kiisalu kollegiemut kantinanik ingerlatsinermut akisussaavoq.

KTI Sisimiut allaffimmi aqutsisussarsiorpoq allaffimmi suleqatinik piginnaasatigut ataqatigiissitsisumik suleqatigiinnermillu pingaartitsisumik. 

Sisimiuni allaffimmi sulisut allaffimmi aqutsisup saniatigut allaffimmi sulisut 10-t missaanniittut kiisalu ilinniartoq ataaseq sulisorineqarput. Allaffimmi aqutsisoq KTI-mi allaffissornermut pisortamut toqqaannartumik attaveqartassaaq.

Allaffimmi aqutsisup akisussaaffii suliassaalu:

• KTI Sisimiuni immikkoortortani allaffimmiut kiisalu qitiusumik allaffiup sulisuisa ulluinnarni akisussaaffiginera, allaffimmi sulisussanik nutaanik atorfinitsitsinermi suliassanut sungiussinissaanut akisussaasuuneq, KTI Sisimiuni allaffimmi sulisut ineriartornissamut oqaloqatiginnittarnerat (MUS-samtale)
  Sulisoqarnermut akissarsialerinermullu allaffissorneq HR peqatigalugu – immikkut tunniussat nalunaarsornerat, sulinngiffeqarnermi nalunaarsuineq, akissarsianik nakkutilliineq, akissarsianik naatsorsuutinik sanilliussineq kiisalu bruttolønlistinik akuersisarneq. Aamma KTI-p inissiaataani allaffissornerup nakkutiginera
  Aningaasaqarnermut systemi:
  Immikkoortortani tamani fakturanik/kreditnotanik nakkutilliineq, kontostrenginik, MIT perspektivimi kiisalu IT-reg.-mi atuisunik pilersitsineq/atorunnaarsitsineq, statuskontoinik naatsorsuutinik sanilliussineq.
  Missingersuutit naatsorsuutillu: 
  Naalakkersuisoqarfimmut aningaasanut inatsisissatut siunnersuummut missingersuutinik tunniussassanik suliaqarnerni peqataaneq, missingersuutinik malitseqartitsineq kiisalu missingersuutinik nakkutilliineq, allaffissornermut pisortaq aamma aningaasaqarnermut siunnersorti avataaniittoq suleqatigalugu.
• Allaffissornermi suleriaatsinik kiisalu immikkoortortat akornanni naatsorsuutinut tunngasunik suleriaatsinik pitsanngorsaaneq, standardisering, ataqatigiissaarineq aamma aaqqissuussineq.
• AMA aamma PKU, immikkoortortat suleqatigalugit kiisalu naatsorsuutinik aningaasaqarnermik akisussaasoq peqatigalugu nakkutilliineq
• Ukiumoortumik Regnskabsinstruks-imik aamma inventarliste-mik nutarterineq.
• Allaffissornermi HR-imilu suliassat aalajangersimasuunngitsut (ad hoc)

Piginnaasat:

• Aqutsinermik misilittagaqarneq, pingaartumik allaffissornermi aamma bogholderi-mi.
• Bogholderi-mut naatsorsuutinullu tunngasunik sukumiisumik misilittagaqarneq.
• Aningaasaqarnermut naatsorsuutinullu tunngasumik naleqquttumik ilinniagaqarsimaneq.
• Økonomisystemi IRIS aamma ledelsesinfo ilisimasaqarfiginissaat iluaqutaassaaq.
• Akisussaassuseqarneq kiisalu suleqatiginnissinnaalluarneq.
• IT-mik sukumiisumik ilisimasaqarnissaq.
• Marlunnik oqaaseqartuuneq, kalaallisut qallunaatullu.

Neqeroorutigisinnaasavut:

• Suleqatit pikkorissut suliniuteqarsinnaasullu.
• Kursusinik ilinniaqqinnernillu aqqutigalugu inuttut suliamullu tunngasumik ineriartornissamut periarfissat.
• Ilinniarfik suliffeqarfik ineriartorfiusoq
• Unammilligassat soqutiginartut, ineriartornermut nammineq sunniuteqarnissamut periarfissaqarneq

Qinnuteqarnissamut killissarititaq tassaavoq 1. September 2026 – qinnuteqaatit ingerlaavartumik suliarineqassapput.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Qinnuteqartoq uppernarsaatitalinnik piginnaasalik immikkut siunnersortitut, siunnersortit pisortaatut siunnersortaanertulluunniit isumaqatigiissutit naapertorlugit atorfinitsinneqarsinnaasarpoq.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik.  Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Paasissutissat annertunerusut: 
Atorfik pillugu annertunerusumik paasisaqarusukkuit allaffissornermut pisortaq Signe Ezekiassen attavigisinnaavat, e-mail: siez@kti.gl imaluunniit oqarasuaatikkut +299 861644, nal. 8-16 akornanni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.