Allaffissornermik, aningaasaqarnermik inunnillu sullissinermik suliaqallaqqippit - ulluinnarnilu allanngorarfiusuni sulisinnaassuseqarlutit?

INUILI Food College Greenland allaffimmi fuldmægtigimik tunniusimasumik aaqqissugaasumillu suleriusilimmik pissarsiorpoq, ilinniarfimmi pikkorissuseqarluni ingerlalluartumillu allaffissorninermik qulakkeerinnissinnaasumik.

INUILI inuussutissarsiornermut ilinniarfiuvoq ineriartortoq. Ilinniartut iniutaannik nammineq peqarpugut, pikkorissarfissaqarluta nunatsinniillu sumiiffinnit tamalaanit ilinniartoqartarluta.

Atorfik allaffissornikkut tamatigoortunik suliaqarfiusoq

Allaffimmi fuldmægtigitut ilinniarfiup qitiusumik aqutsisoqarfiata ilaaniilissaatit, ilinniartunullu, suleqatinut, pikkorissartunut, suliffeqarfinnut aammalu Namminersorlutik Oqartussanut siammasissumik attaveqalissallutit. 

Suliassatit ilaatigut tassaassapput:

• Ilinniartut pillugit allaffissorneq – ilinnialersussanutt, nalunaarsuinernut, uppernarsaatinut, ilinniartut peqannginneri pissutsillu allat ilinniartunut tunngasut.
• Aningaasaqarnermik aqutsineq – matumani akiligassalerineq, ilanngussalerineq, akiliutit, akiliussigallarnerit aammalu IRIS-imi aningaasatigut malitseqartitsineq.
• Ilinniartut inaannik aqutsineq – ineeqqat, attartornermut isumaqatigiissutit, iserternerit aninerillu, akiliinerit aammalu ilinniartut inaanni sulisut peqatigalugit ataqatigiissaarineq.
• Pikkorissarnerit pillugit aqutsineq – nalunaartut, peqataasussat allattorsimaffii, ataqatigiissaarineq, pikkorissarsimanermut uppernarsaatit akiligassalerinerlu.
• Suliffimmik misiliineq aamma SKP – ilinniartut, suliffeqarfiit suliffimmik misiliiviusut kiisalu suliffimmik misiliinerup ingerlarnga pillugit allaffissornikkut tapertaaneq.
• Ilinniartut angalanerat – atuagarsoriarnermut, suliffimmik misiliinermi angerlarluni angalanernut tunngatillugu angalanissamut pilersaarusiorneq allaffissornerlu.
• Sulisut pillugit allaffissorneq – matumani sulinngiffeqarnerit, peqannginnerit, atorfininnermut atatillugu suliassat kiisalu sulisunut tunngatillugu pappiararsorneq.
• Oqartussanik attaveqarneq – oqartussat naleqquttut ingerlaavartumik allaffissornikkut suleqatigineri.
• Aqutsisunut suleqatiginninneq – takussutissiorneq, uppernarsaasiorneq allatigullu allaffissornikkut ikiortaaneq.

Tamatuma saniatigut allaffissornikkut suliassat allat suliarisassavatit ilinniarfiup ulluinnai ingerlatseqataaffigalugit. Allaffimmi aqutsisoq qaninnertut aqutsisorissavat, taassumalu Inuilip aqutsisui tamakkerlugit suleqataaffigai. 

Illit ujartorpatsigit

• allaffissornermut tunngasumik ilinniagaqartoq imaluunniit assingusumik misilittagaqartoq,
• aningaasaqarnermut aamma/imaluunniit ilinniartunut tunngatillugu allaffissornermik misilittagaqartoq,
• IT-mut piginnaasaqarluartoq, aningaasaqarnermut aqutsissutinillu systeminik misilittagaqartuuppat pitsaasuussaaq,
• aaqqissugaasumik nakkutiginnillaqqilluni suleriuseqartoq,
• suliassarpassuaqartillugu tamakkiisumik isiginnissinnaassuseqartoq,
• namminersorlutit sulisinnaasoq suliassallu naammassinissaannut akisussaassuseqartoq,
• sullissillaqqittoq inuppassuillu attaveqaqatigilluarsinnaallugit,
• paasissutissat allanut ingerlateqqitassaanngitsut pikkorissuseqarluni suliaqarsinnaasoq,
• ilinniarfimmik ineriartortumik peqataaffeqarusuttoq.

Ilinniarfimmit, pisortat suliffeqarfiutaannit, inuussutissarsiornermut ilinniarfimmit imaluunniit aaqqissugaanermit siammasissumik allaffissornertalimmit misilittagaqaruit pitsaasuussaaq.

Neqeroorutigaavut

Suliffeqarfimmi ilinniartut ilinniarnerannut aammalu ilinniarfiup tamakkiisumik ingerlanneqarneranut allaffissornermi pingaaruteqartumi atorfik tamatigoortoq namminersorfiusorlu.

Allaffissortut, ilinniarfiup, ilinniartut najugaat ingerlatsinerlu akimorlugit suleqatigiit akornanniilissaatit, tassanilu allaffissornikkut suleriutsimut sunniuteqarnissamut ineriartortitsinissamullu periarfissaqassaaq.

Ingerlaavartumik oqaloqatiginnittassaagut. 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Qinnuteqartoq uppernarsaatitalinnik piginnaasalik immikkut siunnersortitut, siunnersortit pisortaatut siunnersortaanertulluunniit isumaqatigiissutit naapertorlugit atorfinitsinneqarsinnaasarpoq.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.