Aalisarnermut, Piniarnermut, Nunalerinermut Imminullu Pilersornermut Naalakkersuisoqarfimmi sinerissap qanittuani aalisarnissamut akuersissutinut immikkoortortaqarfimmi, siunnersortimik pissarsiorput.
Aalisarnermut Piniarnermullu Naalakkersuisoqarfimmi Aalisarnermut immikkoortortaqarfik, siunnersortimik sinerissap qanittuani, matumani ilaatigut Pisassiissutit Niuerutigineqarsinnaasut Nammineq Pigisat (PNNP) eqqunneqarneranut aammalu immikkoortortaqarfimmit sinerissap qanittuani aalisarnissamut akuersissutinik, immikkut ittumik akuersissutinik, pisassiissutinik niueruteqarnernik, pisassiissutinik nuussinernik kiisalu aalisarsinnaanermut akuersissutinik tunniussisarneq pillugu Kommune-nik suleqateqarnermi suleqataasartussamik.
Aalisarnermik piniarnermillu inuussutissarsiornerup kiisalu politikkikkut anguniakkat naapertorlugit uumasunut nakorsaqarnermut tunngasut ineriartortinneqarnissaasa siuarsarneqarnissaat pingaarnertut Naalakkersuisoqarfiup suliassarai. Tassunga ilaallutik Inatsisartunit Naalakkersuisunillu suliassatigut malittarisassat aalajangersakkat ingerlanneqartarnissaat.
Aalisarsinnaanermut akuersissutinut immikkoortortaqarfik Aalisarnermut immikkoortortaqarfiup ataani immikkoortortaqarfiuvoq, immikkoortortaqarfimmi assigiinngitsut qanimut kiisalu inatsisilerinermut, aningaasaqarnikkullu pilersaarusiornermut immikkoortortaqarfik aamma Kalaallit Nunaanni Aalisarsinnaanermut Akuersissutinik Nakkutilliisoqarfik suleqatigineqarput. Siunnersortitut Aalisarnermut immikkoortortaqarfimmi suleqatitit allaffimmilu pisortaq qanimut suleqatigissavatit. Avatangiisini pissanganartuni suliatigullu unammillernartuni sulineq pissaaq suliatigut ineriartornissamut periarfissaqarluni. Taamaalilluta suliffik nutaaliornermik nutaamillu eqqarsarnermik ukkatarinnittoq neqeroorutigaarput; sulineq, politikkikkut aalajangiiniarnerit ingerlasarnerinut qanittoq; avatangiisit persuarsiorfiunatillu ammasut suleqatit pimoorussissut; inuttut pissanganartut suliatigullu unammilligassat.
Atorfik pillugu
Aalisarsinnaanermut akuersissutinut immikkoortortaqarfik Siunnersortimik pissarsiorpoq, suliassai pingaarnerit tassaallutik sinerissap qanittuani aalisartunik sullissineq aammalu kommune-ni inuussutissarsiornermi siunnersortinik suleqateqarneq. Tamatuma saniatigut immikkoortortaqarfik ingerlatsinermut suliassanik arlalinnik suliaqartarpoq, ilaatigut aalisarnissamut akuersissutinik tunniussisarneq, pisassiissutinik niueruteqarnernik suliarinninneq aammalu sinerissap qanittuani aalisarneq pillugu kommuninik suleqateqarneq. Aalisarnermut inatsisip nutaap atuutilernerata malitsigisaanik suliassanik amerlanerusunik aalisarnissamut akuersissutilerinermi immikkoortoqarfimmut nuussisoqarnissaa naatsorsuutigineqarpoq. Taamaasilluni suliat pillugit ilisimasanik akisussaaffeqarnikkullu ineriartornissamut periarfissaqarluarluni.
Suliassat:
- Sinerissap qanittuani aalisarnissamut akuersissutinik tunniussisarneq
- Aalisarnermi Pisassiissutinik niuerutigineqarsinnaasunik nammineq pigisanik aammalu nuutassanik suliaqarneq.
- Immikkut ittunik qinnuteqaatinik suliaqarneq
- Akuersissutinik suliaqarnermi kommune-nik suleqateqarneq ilinniartitsinerlu
- Aalisarneq akuersissutillu pillugit aalisartunik inuttaasunillu saaffiginnittunik sullissineq
- Aalisarnermut immikkoortortaqarfimmi qinnuteqaatinik immersugassanik nutarterinermi, sullissivik.gl il.il. suliaqarnermi ikiuutaaneq.
- Inatsisit malittarisassallu atuuttut naapertorlugit ingerlatsinermi suliaqarneq
- Naalakkersuisoqarfimmi allaffissornikkut najoqqutassat, ingerlatseriaatsit, pitsaassutsimullu piumasaqaatit nalinginnaasut piviusunngortinnissaanut peqataasarneq
- KANUAANA-mik suleqateqarneq, inatsisilerituut immikkoortortaqarfiannik aammalu Aalisarnermik immikkoortortaqarfimmi aalisarnermik inatsisinillu ineriartortitsineq
- Nutserineq, nutsikkanillu kukkunersiuineq
Piginnaasassatut piumasaqaatit:
Qinnuteqartoq tamatigoortoq naleqquttumik ilinniagalik pissarsiariniarneqarpoq aamma misilittagalik. Tamatuma saniatigut ilaatigut makkua piginnaasaqarfigineqassapput:
- Kalaallisut qallunaatullu oqalussinnaallutillu allassinnaassaatit
- Suliassanik siulliullutit aallartisaasinnaalluartoq suliassanillu aaqqiinissamut akisussaaffik tigusinissamut piareersimasinnaasoq
- Naalakkersuisoqarfiup Namminersorlutillu Oqartussat akisussaaffii tamakkerlugit ilaanilluunniit suliamut tunngasutigut misilittagalik
- Aqutsinermut suliassanik suliamut tunngasunik misilittagalik
- Aaqqissuussamik suliaqartut akimorlugit attaveqaqatigiinnermik suleqateqarnermillu misilittagalik
- Suleqatikkuminarneq, ammasuuneq sungiussiasuunerlu.
- Aalajaanneq qiimasuunerlu
Suliffiup sumiiffia Aalisarnermut, Piniarnermut, Nunalerinermut Imminullu Pilersornermut Naalakkersuisoqarfik, Nuuk. Atorfik piaartumik inuttalerneqarusuppoq imaluunniit atorfimmut inummut tulluuttumik isumaqatigiissuteqarnikkut.
Atorfik pillugu paasissutissat pissarsiarineqarsinnaapput uannga Allaffimmi pisortaq Hans Peter Lennert, hapl@nanoq.gl 345317
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Qinnuteqartoq uppernarsaatitalinnik piginnaasalik immikkut siunnersortitut, siunnersortit pisortaatut siunnersortaanertulluunniit isumaqatigiissutit naapertorlugit atorfinitsinneqarsinnaasarpoq.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Om Naalakkersuisut
Søger du udfordringer og har lyst til at præge hverdagen gennem dit arbejdsliv og være med til at forme fremtiden, så er et job hos Grønlands Selvstyre noget for dig. Vi forventer stor ansvarlighed og vægter faglige kvalifikationer, en sund analytisk tilgang til tingene samt omstillingsparathed højt hos medarbejderne. Herudover er din evne til at strukturere hverdagen og bevare overblikket vigtig. Grønlands Selvstyre består af en Centraladministration, med mere end 650 ansatte fordelt på flere departementer, samt en lang række decentrale enheder. Tilsammen er vi mere end 2500 mennesker tilknyttet Grønlands Selvstyre. Centraladministrationens opgave er, at sikre Naalakkersuisut (regeringen) et solidt politisk beslutningsgrundlag, samt at føre de politiske beslutninger ud i livet. Du kan læse mere om Grønlands Selvstyre på http://www.naalakkersuisut.gl/job