Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfik timersornermut tunngasunik ineriartortitseqataasussamik sulisussarsiorpoq

Timersornermut atugassarititaasut ineriartortitseqataaffigerusuppigit aammalu politikkikkut aalajangiisarnerup qanittuani sulerusuppit?

Kultureqarnermut, Timersornermut Ilageeqarnermullu Immikkoortortaqarfik timersornermut tunngasunik soqutigisaqarluartumik misissueqqissaartartumillu sulisussarsiorpoq ulloq 1. december 2026 imaluunniit isumaqatigiissuteqarnikkut atorfinittussamik .

Atorfik AC-fuldmægtigitut imaluunniit specialkonsulentitut naleqquttumik sivisunerusumik ilinniagallit atorfinitsinneqarlutik inuttalerneqarsinnaavoq, aammali AK-p isumaqatigiissutaa naapertorlugu siunnersortitut atorfeqarnissamut naleqquttumik inuussutissarsiornermut diplomi-milluunniit ilinniagalimmik misilittagalimmillu inuttalerneqarsinnaavoq.

Suleqatigiinnut suliamikkut nukittuunut ilanngutissaatit, tassani timersornermi politikki ineriartortitseqataaffigissavat aammalu Naalakkersuisut timersornermik nukittorsaanissamik anguniagaannik tapersersuisassallutit.

Atorfimmi suliassat

Timersornermut tunngasunik suliassaqarfimmi qitiusumik suleqataalissaatit aammalu Naalakkersuisoqarfiup, timersornermi kattuffiit, kommunit, kajumissutsimik peqatigiiffiit kiisalu suleqatigisat allat akornanni ataqatigiissaarisuussallutit.

Atorfik ineriartortitsinermik, misissueqqissaarinermik ingerlatsinermillu sulianik imaqassaaq aammalu timersornermut politikkimut tunngasunik assigiinngitsorpassuarnik suliaqarnissamut periarfissiissalluni.

Aammattaaq immikkoortortaqarfiup suliassaqarfiini allani, tassunga ilanngullugit kulturimut ilageeqarnermullu tunngasuni, pisariaqartitsineq naapertorlugu ad hoc-imik suliassat takkuttarsinnaapput.

Suliassat pingaarnerit

• Politikkikkut sullissineq, tassunga ilanngullugu Naalakkersuisunut aalajangiiffigisassatut siunnersuusiorneq.
• Timersornermut tunngasunik misissueqqissaarnernik, allakkianik aalajangiinissamullu tunngavissianik suliaqarneq.
• Timersornermut tunngasuni tapiissutinut aaqqissuussinernik aningaasaateqarfinnillu ingerlatsineq.
• Timersornermut politikki tunngavigalugu suliniutinik aqutsineq ataqatigiissaarinerlu.
• Timersornermut kattuffiit, kommunit kiisalu susassaqartut allat suleqatigalugineri.
• Naalakkersuisut timersornermut politikkikkut anguniagaasa malitseqartittarneri.
• Nassuiaatit, tusarniaanermut akissutit, tusagassiuutinut nalunaarutit kiisalu attaveqaqatigiinnermut atortussat allat suliarineqarneri.
• Timersornermut tunngasuni suliniutit nutaat periusissiallu ineriartortinneqarnerannut peqataaneq.
• Immikkoortortaqarfiup suliassaqarfiini assigiinngitsuni ad hoc-imik suliassanik isumaginninneq.

Kinaavit?

Timersornermut tunngasuni ineriartortitsinermik soqutigisalimmik naleqquttumillu ilinniagaqarsimasumik sulisussarsiorpugut.

Assersuutigalugu ima ilinniagaqarsimassaatit:

• Inuussutissarsiornermut inuiaqatigiilerinermulluunniit kandidatitut assingusunilluunniit ilinniagaqarsimasoq.
• Professionsbacheloritut ilinniagalik pisortani ingerlatsinermik, peqatigiiffilerinermik imaluunniit timersornermik misilittagalik.
• Siunnersortitut misilittagalik suliniutinik aqutsinermik, ineriartortitsinermik imaluunniit pisortani ingerlatsinermik uppernarsarneqarsinnaasunik piginnaasalik.

Pingaarnerpaaq tassaavoq nammineersinnaassasutit, aaqqissuussilluarsinnaassasutit ulluinnarnilu suliassat pingaarnersiornerillu ingerlaavartumik allanngorarsinnaasut nuannaralugit.

Makku pingaartippavut

• Timersornermut tunngasunik soqutigisaqartutit imaluunniit misilittagaqartutit.
• Nammineerlutit sulisinnaasutit suliassanullu nammineq akisussaaffimmik tigusisinnaasutit.
• Suleqateqarluarsinnaasutit assigiinngitsut akornanni attaveqaateqarsinnaasutit.
• Allattariarsornermi oqaluttariarsornermilu attaveqaqatigiillaqqissuusutit.
• Pisortani ingerlatsinermik, politikkikkut aqunneqartumi sulinermik, soqutigisaqaqatigiit kattuffiini imaluunniit peqatigiiffilerinermi misilittagaqarnissat iluaqutaassaaq, piumasaqaataananili.
• Killilimmik piffissaqarluni suliassanik aammalu susassaqartunik amerlasuunik suliaqarsinnaasutit.

Neqeroorutigaavut

• Politikkikkut aalajangiisarnerup qanittuani suliffik pissanganartoq.
• Timersornermut tunngasunik ineriartortitsinermut sunniuteqarnissamut periarfissaq.
• Ulluinnaat assigiinngiiaartut attaveqarfippassuallit.
• Nammineerluni akisussaaffeqarnissaq kiisalu suliamut tunngatillugu ineriartornissamut periarfissagissaarneq.
• Suleqatit pikkorissut tunniusimasullu suleqatigiilluarnermik tunngavigisallit.

Akissarsiat atorfinitsitaanermilu atugassarititaasut

Akissarsiat atorfinitsitaanermilu atugassarititaasut, ilanngullugit atorfininnermi soraarnermilu angalanissamut kiisalu pigisat nuunneqarnerinut pisinnaatitaaffiit, atorfinitsitsinissap nalaani isumaqatigiissutit atuuttut naapertorlugit aalajangersarneqassapput, tassa Namminersorlutik Oqartussat aammalu sulisut kattuffiat isumaqatiginninniarsinnaatitaasoq akornanni isumaqatigiissutit naapertorlugit.

Atorfinitsitsineq pisinnaavoq imaattumik:

• AK-p isumaqatigiissutaa naapertorlugu konsulentitut,
• Akademikerit pillugit isumaqatigiissut naapertorlugit AC-fuldmægtigitut,
• Specialkonsulentitut qinnuteqartut naleqquttunik uppernarsarneqarsinnaasunillu piginnaasaqarlutillu misilittagaqartut.

Akissarsiat inissinneqassapput ilinniagaq, piginnaasat misilittakkallu tunngavigalugit.

Inissaqartitsineq

Atorfimmut atatillugu sulisut inissaat innersuunneqassanngilaq. Qinnuteqartoq Namminersorlutik Oqartussani atorfeqarnerminut atatillugu sulisunut inissamik peqareersimappat, sulisunut inissamik innersuunneqarsimanini attatiinnassavaa. Sulisunut inissaq atorfeqarnermut atavoq, atorfeqarnerullu unitsinneqarnerani qimanneqassalluni.