Kalaallit Nunaanni Teknikkimik Ilinniarfik KTI Sisimiuni kollegiani siunnersortissarsiorpoq
Nutaanik unammilligassanut piareersimavit? Perorsaanermut iml. Allamik inulerinermut tunngasumik ilinniagaqarpit? Ilinniartuutigut atuartuutigullu tapersersornissaanut kajumissuseqarpit, taava pissaganartumik suliffissaqartippatsigit.
Kollegiani siunnersortimik ilinniartunut atuartunullu pissarsiorpugut. Kolligiani siunnersortitut suliassarissuatit kollegiani saaffigineqarsinnaasoq, aammalu sammisassaqartitsinermi ajunngittumik ilusilersueqataassuutit, atugassarissaartitsillutit toqqissisimatitsillutillu. Ilinniartut amerlasuut 18-it inorlugit ukioqarput.
Ilinniartut atuartullu ilangalugit piffissat assigiinngitsut suliffiginissaanut piareersimassuutit, atuareernerup kingorna unnukkut sap. ak. ca. Marluk pingasoriarlutit ullullu 14-ikkaarlugit inuusuttuaqqat kollegianiittut ilagisassallugit. Kollegiani siunnersortitut kollegiami sulisut inaataanni najugaqarsinnaavutit. Tamanna piumasaqaataanngilaq.
Atuarnerup nalaani aamma suliassaqartassooq, soorlu saaffissat aammalu atuarfimmik suleqateqarneq angajoqqaanillu, aammalu perorsaanermut tunngasunik ataatsimeeqataanerit, kollegianik alakkaanerit, asaanissanut- aammalu sutitsinissamut piareersaanerit.
Uangutsinnut pingaaruteqarpoq- aammalu minnerunngitsumik ilinniartunut atuartunullu kollegiami siunnersortsitut sulianut inuttullu aallussilluarsinnaaguit, inuusuttunut ilinniartunut sullissiumassuseqassallutit.
Teknikkimik ilinniarfik (KTI) Sisimiuniippoq ilinniarnertuunngorniarfiuvoq, inuussutissarsiutinik ilinniartitsivik sanaartornermi-illuliornermillu ilinniartitsivik, sanaartugassanik suliakkerneqartartoq, maskinmeteritut ilinniarfik aammalu annertuumik pikkorissarnermik ilinniarfik.
KTI-mi kollegiat 389-iupput, taakkualu atuarfiup qanigisaaniipput. Illit ulluinnarni kollegiap aqutsisui kollegieinspektørilu aammlu igaffimmi, pedelit, asaasut, atuarfimmilu ilinniartitsisut aqutsisui, ilinniartitsisut siunnersortillu suleqatigisussaassuatit.
Kollegiani siunnersortitut suliassavit ilagaat:
- Kollegiani najugaqartunik ulluinnarni attaveqarneq
- Kollegiani sammisaqartitsinermik ataatsimooqatigiinnermik isumaginninneq
- Ineqartunut asatassanik maleruagassiorneq, aammalu kollegiani misissuisarneq asaanermut pilersaarutit malinneqarnersut aammalu maleruagassanik eqqortumik malinneqarnersut misissorlugit.
- Eqqiluisaarnissamut siunnersuineq aammalu peqqinnartumik iganissamut kaammattuinerit.
- Najugaqartunut siunnersuinermut qulakkeerinninneq aammalu kollegiani pissutsinik sammisassanillu ataatsimiisitsinerit aammalu aaqiangiinngittoqartillugu kollegiani isumaginninnerit.
- Siunnersortit allat peqatigalugit paarsinerit.
- Nikerartumik sulisinnaasoq kollegiani allani atuarfiullu sulisui allat peqatigalugit suleqateqarsinnaasoq.
- Kollegiami amigaatinik pisiortornermi aammalu aserfallatsaaliuinermik qulakkeerinnissinnaasoq
- Kollegiani pissutsinik angajoqqaanik paasititsiniaanerit atuartunillu atugarissaartitsineq
Ilimagaarput illit
- Perorsaasutit ilinniagaqartutit imaluunniit isumaginninnermik assigusumik ilinniagaqartutit
- Oqaloqatikkuminartoq aaqqissuussaasumillu akuersaartumik perorsaanermut aallussilluarsinnaasoq
- Namminersorsinnaasoq aaqissuussilluarsinnaasoq
- Inuusuttunik atuartunik sullisserusuttoq
- Misiginneqataasinnaasoq najugaqartunik oqaloqateqarsinnaasoq aallartinnermilu ajornartorsiorpata aaqqiisinnaasoq
- Nuannersumik kiinnersinnaasoq saaffigiuminartorlu.
- Kalaallisut qallunaatullu oqaasilik
Tunniussinnaasavut ukuupput
- Kollegiat atorneqarsinnaasut
- Akisussaaffimmik annertuumik tigusineq namminerlu suliassanik naammassisaqarsinnaaneq
- Perorsaanermik annertuumik tunniussaqarsinnaasoq kollegiani najugaqartunut.
- Suliffeqarfik ineriartortoq, nunami susanarluinnartumi silamilu sammisassaqartitsilluarsinnaasoq, taassumap ataani piniarneq, aalisarneq, arpanneq il.il.
Atorfik isumaqatiinnikkut inuttalerneqassaaq, qaammatillu pingasut siulliit misiliutaaqqaassapput.
Børneattest aammalu straffeattest
Atorfimmut atatillugu piumasaqaataavoq ren børneattestimik tunniussisinnaaneq. Inatsisit malillugit atorfinitsitsisoqarsinnaavoq aatsaat KTI-p børneattest tigoreerpagu. Taamaammat paasissutiissutigissuarput Rigspolitiiniik tigoreernerani atorfinittoqarsinnaammat.
Paasissutissat allat
Atorfimmut tunngatillugu paasisaqarnerorusukkuit tikilluaqqusaavutit saaffiginnissinnaallutit kollegiami inspektørimut Paninnguaq Heilmann tlf. +299 861616.
Qinnuteqaatit ingerlaavartumik suliarineqarsinnaapput.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Om Naalakkersuisut
Søger du udfordringer og har lyst til at præge hverdagen gennem dit arbejdsliv og være med til at forme fremtiden, så er et job hos Grønlands Selvstyre noget for dig. Vi forventer stor ansvarlighed og vægter faglige kvalifikationer, en sund analytisk tilgang til tingene samt omstillingsparathed højt hos medarbejderne. Herudover er din evne til at strukturere hverdagen og bevare overblikket vigtig. Grønlands Selvstyre består af en Centraladministration, med mere end 650 ansatte fordelt på flere departementer, samt en lang række decentrale enheder. Tilsammen er vi mere end 2500 mennesker tilknyttet Grønlands Selvstyre. Centraladministrationens opgave er, at sikre Naalakkersuisut (regeringen) et solidt politisk beslutningsgrundlag, samt at føre de politiske beslutninger ud i livet. Du kan læse mere om Grønlands Selvstyre på http://www.naalakkersuisut.gl/job