Isumaginninnermut, Suliffeqarnermut, Ilaqutariinnut Nunamullu Namminermut Naalakkersuisoqarfik Isumaginninnermut Ilaqutariinnullu Immikkoortortaqarfimmi inatsisilerituussarsiorpoq
Isumaginninnermut, Suliffeqarnermut, Ilaqutariinnut Nunamullu Namminermut Naalakkersuisoqarfimmi suliassaqarfimmut tunngatillugu politikkikkut anguniakkat piviusunngortinnissaat suliarisarpavut.
Ilaatigut tassani pineqarput inatsisiliortarneq, tassunga ilanngullugit Kalaallit Nunaanni inersimasut utoqqaallu atugarliortut atugaat pitsanngorsaaffiginiarlugit nammineq isumaginninnermut inatsisissamik kiisalu periusissianik suliniutissanillu suliaqartarnerit.
Isumaginninnermut Ilaqutariinnullu Immikkoortortaqarfimmi suliassat tassaasarput isumaginninnermi inatsisitigut tunngavissanik suliaqartarnerit, taakkununnga ilanngullugit nalunaarusiorlunilu ilitsersuusiornerit, allakkiornerit, nassuiaasiornerit il. il. kiisalu inatsiseqarnermut tunngasunik apeqqutinik suliaqartarnerit aqqutigalugit politikikkut suliaqartunik kiffartuussinerit. Aammattaaq ilaqutariinnut inatsiseqartitsinermut tunngassuteqartut danskit oqartussaasui suleqatigalugit immikkoortortaqarfimmi suliarineqartarput.
Pingaarnertut suliassatit ilaqutariinnut inatsiseqartitsinermut tunngassuteqarput, immikkoortortaqarfimmili tamarmiusumi suliassat isumagisassavatit, taakkununnga ilanngullugit inatsisinik atuutereersunik ineriartortitsineq aamma isumaginninnermut tunngatillugit nutaanik inatsisiliornerit.
Suliassat tamatigoortuupput aamma oqaatsit, kulturi sulianullu tunngasutigut killigisat akimorlugit suleqatiginnissinnaanermik, kiisalu nammineq sulianut tunngasunut nammineerluni akisussaaffimmik tigusisinnaasariaqarneq pillugit piumasaqaatitaqarlutik. Atorfiup piumasaqaatigaa suliassanik nutaanut sukkasuumik paasinnissinnaaneq tamatigoortuunissarlu, kiisalu aaqqissuussaaffiusumi naammagisimaarinnissinnaaneq tassani suliassat minnerit angisuullu paarlakaaffianni ulluinnarni ilaatigut ulapaarfiusartumi.
Atorfik aaqqissuussaanermigut Isumaginninnermut Immikkoortortaqarfimmi pisortap ataani inissisimavoq. Illit
immikkoortortaqarfimmi inatsisilerituunut ilaassaatit aamma naalakkersuisoqarfimmi inatsisilerituut allat qanimut suleqatigissavatit. Suliassatit ilaqutariinnut suliassaqarfimmut attuumassuteqarnerussapput.
Sulinerup allanngorartuunissaa, pissanganartuunissaa unammillernartuunissaalu naatsorsuutigisinnaavat. Suliassatit aqqutigalugit inatsisilereriaatsimik atuisarneq misilittagaqarfigilissavat kiisalu politikkikkut anguniakkat inatsisinngortinnissaannut piginnaasatit annertunerulersillugit.
Atorfik pillugu
Suliassat ilaatigut tassaapput
- Naalakkersuisoqarfimmi aqutsisut suleqatigalugit politikkimut tunngasutigut siunnersortitut sulineq
- Ilaqutariinnut tunngatillugu inatsisilioqataaneq aamma tassunga tunngatillugu ilitsersuusiortoqarnissaanik qulakkeerinninneq
- Politikkikkut isummernissamut tunngavissianik, nalunaarusianik akissutinik assigisaannillu suliaqarneq
- Naalakkersuisoqarfiit ataasiakkaat, Inatsisartut allaffeqarfiat danskillu oqartussaasui suleqatigalugit inatsisissanik piareersaanermi ikorfartuisarneq pilersaarusiortarnerlu.
- Inatsisartut inatsisissaattut siunnersuutit, Namminersorlutik Oqartussat nalunaarutaat, Kommunit ileqqoreqqusaat aamma suliassaqarfiit assigiinngitsut akornanni kaajallaasitat inatsisilerinikkut pitsaassusaannik qulakkeerinninnerit taakkunanngalu atortussanngortitsinerit nalunaarutiginnittarnerillu.
- Inatsisilerinikkut siunnersuinerit, tassunga ilanngullugu allakkianik inatsisinut tunngasunik akissutinillu suliarinninnerit
- Naalakkersuisoqarfiit tamaasa akimorlugit inatsiseqartitsinikkut suliassanik isumaginninneq
- Inatsisitigut pitsaassutsit, sulianik suliarinnittarneq aamma inatsisitigut sammisat allat pillugit pikkorissartitsinerit.
Illit pillutit
- Cand. Jur.-tut ilinniagaqarputit
- Suliffinnut suleqatinnullu ammasumik pitsaasumillu pissuseqarputit
- Nammineersinnaassuseqarputit, aaqqissuussilluarsinnaavutit angusaqarniartuullutillu
- Politikkimik inatsisinngortitsinissamut illuanullu soqutigisaqarputit
- Allakkatigut oqaatsitigullu oqaatsinik atuillaqqissuuvutit
- Suleqatigiinnermi atassuteqarfinnik pilersitsillaqqissuuvutit
- Kalaallit Nunaanni inuiaqatigiinni pissutsit aamma kulturi ilisimasaqarfigigukkit iluaqutaassaaq
- Ajornanngippat marluinnik oqaaseqarputit, kisianni piumasaqaataanngilaq.
Isumaginninnermut, Suliffeqarnermut, Ilaqutariinnut Nunamullu Namminermut Naalakkersuisoqarfik pillugu
Isumaginninnermut, Suliffeqarnermut, Ilaqutariinnut Nunamullu Namminermut Naalakkersuisoqarfimmi sulisut 35-t missaanniippugut, Aqutsisunut allattoqarfimmi, Isumaginninnermut Ilaqutariinnullu immikkoortortaqarfimmi, Suliffeqarnermut immikkoortortaqarfimmi, Nunamut namminermut immikkoortortaqarfimmi kiisalu Nakkutilliinermut immikkoortortaqarfimmi agguataarsimasunik, atorfik pineqartoq manna aaqqissuussaanermigut Isumaginninnermut Ilaqutariinnullu Immikkoortortaqarfimmi inissisimavoq.
Qinnuteqaat
Qinnuteqaammik tunniussinissamut ulloq 16. oktober 2026 killissaritinneqarpoq
Atorfinitsitsisoqassaaq ulloq 01. november 2026 isumaqatigiissuteqarnikkulluunniit.
Paasissutissat sukumiinerusut
Atorfik naalakkersuisoqarfilluunniit pillugit paasisaqarnerorusukkuit, Immikkoortortaqarfimmi pisortaq Guluk Chemnitz, gulc@nanoq.gl aqqutigalugu imaluunniit naalakkersuisoqarfimmi maileq isn@nanoq.gl aqqutigalugu attavigisinnaavat.
Akissarsiat atorfeqarnermilu atugassarititaasut
Akissarsiat atorfeqarnermilu atugassarititaasut, taakkununnga ilaallutik atorfininnermi soraarnermilu angalanissamut kiisalu pisattat nassiunneqarnerini aalajangersakkat aallaavigalugit Namminersorlutik Oqartussat sulilertussallu kattuffiata isumaqatiginninniarsinnaatitaasup akornanni isumaqatigiissutit atorfininnerup nalaani atuuttut naapertorlugit pissapput.
Inissaqartitsineq
Atorfimmut inissaqartitsisoqanngilaq. Qinnuteqartoq Namminersorlutik Oqartussani atorfeqarneq aqqutigalugu sulinermut inissiaqareerpat, inissiamut innersuunneqarneq pillugu pisinnaatitaaffik attatiinnarneqassaaq. Sulinermut inissiaq atorfeqarnermut tunngassuteqarpoq, atorfeqarnerullu naanerani qimanneqassalluni.
Qinnuteqaat, CV, ilinniarsimanermut aamma pikkorissarsimanermut uppernarsaatit aamma pappiaqqat allat pingaaruteqartut "Qinnuteqaat nassiuguk" toorlugu nassiutikkit.
Mailikkut qinnuteqaatinik tigusineq ajorpugut.
Om Naalakkersuisut
Søger du udfordringer og har lyst til at præge hverdagen gennem dit arbejdsliv og være med til at forme fremtiden, så er et job hos Grønlands Selvstyre noget for dig. Vi forventer stor ansvarlighed og vægter faglige kvalifikationer, en sund analytisk tilgang til tingene samt omstillingsparathed højt hos medarbejderne. Herudover er din evne til at strukturere hverdagen og bevare overblikket vigtig. Grønlands Selvstyre består af en Centraladministration, med mere end 650 ansatte fordelt på flere departementer, samt en lang række decentrale enheder. Tilsammen er vi mere end 2500 mennesker tilknyttet Grønlands Selvstyre. Centraladministrationens opgave er, at sikre Naalakkersuisut (regeringen) et solidt politisk beslutningsgrundlag, samt at føre de politiske beslutninger ud i livet. Du kan læse mere om Grønlands Selvstyre på http://www.naalakkersuisut.gl/job