Inissianik aningaasalersuinermi taarsigassarsianillu aqutsinermi aningaasaqarnermut tunngasunik sullissisoq
Ineqarnermut, Attaveqaasersuutinut, Isorliunerusunut Upalungaarsimanermullu Naalakkersuisoqarfik Inissianik Illuutinillu Suliassaqarfimmi aningaasaqarnermut tunngasunik sullissisussamik pissarsiorpoq
Suliassaqarfimmi innuttaasunut annertuumik isumaqartumi,
Inissianik aningaasalersuineq, taarsigassarsianik aqutsineq aamma aningaasaqarneq pillugit suliassat suliarerusuppigit?
Ineqarnermut, Attaveqaasersuutinut, Isorliunerusunut Upalungaarsimanermullu Naalakkersuisoqarfik Inissianik Illuutinillu Suliassaqarfimmi sulisussamik ataqatigiissaarisinnaasumik akisussaaffimminillu ilisimaarinnittumik pissarsiorpoq. Atorfimmi pingaartumik pisortat inissianut aningaasalersuinermi taarsigassarsiarititaannik aqutsineq, aningaasaqarnermi naatsorsuinerit, piffissamik sioqqutsilluni akiliinerit, nalimmassaanerit taarsigassarsianillu sulianik aalajangersimasunik malinnaaneq suliarineqassapput.
Inissianik Illuutinillu Suliassaqarfimmi inissiat illuutillu pillugit suliat isumagineqarput, taakkununngalu inissianut aningaasalersuisarneq, illuutit aalaakkaasut, pigisanik nalilinnik pisiniarneq tunisinerlu, inatsisit, innuttaasut saaffiginnissutaat aamma politikkimut - allaffissornermut tunngasuni sullissinerit ilaatinneqarput.
Atorfik pillugu
Aningaasaqarnermut tunngasuni sullissutut pisortat inissianut aningaasalersuinermut taarsigassarsiarititaasa aqunneqarnerini qitiusumi inissisimassaatit. Suliassat aalajangersimasut, aningaasaqarneq pillugu paasissutissat, taarsigassarsianik naatsorsuinerit, nalimmassaanerit, akilikkat, piffissaq sioqqullugu akiliinerit aamma innuttaasut saaffiginnissutaat suliarisassavatit.
Atorfimmi aningaasaqarnermik paasisimaarinninneq, tulleriiaarisinnaaneq, eqquisinnaaneq aammalu kisitsisinik, uppernarsaatinik, maleruagassanik sulianilu aalajangersimasuni suliat ingerlanerinik suliaqarnissamut piginnaasaqarneq pisariaqartinneqarput. Innuttaasunut, aningaaserivinnut, aningaasalersuisarfinnut, eqqartuussissuserisunut, kommuninut, illunik niueruteqartartunut oqartussaasunullu allanut attaveqartassaatit.
Sulinermi eqqortumik nalunaarsuinissap, taarsigassarsinermi paasissutissanik naatsorsuinissap nalimmassaanissallu, tassungalu ilanngullugu IRIS-imut aningaaserivimmullu nalimmassaanissap qulakkeertarnissaa annertuumik sammineqartassapput. Aamma taarsigassarsinermi suliat pisoqaanerusut ingerlasullu malinnaaffiginerinut, kiisalu suliassaqarfimmi suleriaatsit assigiiaarnerulersillugit ineriartortinneqarnerinut suleqataassaatit.
Suliassatit
Suliassatit ilaatigut tassaassapput:
- pisortat inissianut aningaasalersuisarnermut taarsigassarsiarititai pillugit suliani sullissinerit aqutsinerillu
- inissianik aningaasalersuinerit, taarsigassarsianik aqutsinerit sioqqutillunilu akiliisarnerit pillugit saaffiginnissutinik suliaqarneq
- innuttaasunut, aningaaserivinnut, aningaasalersuisarfinnut, eqqartuussissuserisunut, kommuninut oqartussaasunullu allanut ilitsersuinerit
- aalajangiinernik, allakkanik akissuteqaatinik, allakkanik ilitsersuutinik, allakkianik sulianillu saqqummiussinernik suliaqarneq
- akiitsut sinnerinik, akilersuutinik, akiliutinik, ernianik aningaasaqarnermullu piumasaqaatinik naatsorsuisarneq malitseqartitsinerlu
- taarsigassarsinermi suliat pillugit naatsorsuuserisarneq, akiliisarneq aningaasaqarnermullu nalunaarsuisarneq
- IRIS-imut aningaaserivimmullu nalimmassaanerit, taakkununnga nikingassutaasut pillugit malitseqartitsineq ilanngullugu
- Uppernarsaatinik journaliseeriisarneq, nalunaarsuisarneq, toqqorsivimmut toqqorsisarneq pitsaassutsinillu qulakkeerisarneq
- BSU aqqutigalugu illulianik tunisinermi sullissisarneq aningaasaqarnikkullu malitseqartitsineq, tassunga ilanngullugu illunik tuniniaasartunik suleqateqarneq
- suliffeqarfiup iluani suleriaatsinut, allakkianut nalinginnaasunut, ilitsersuutinut, digitaliseeriinernut assigiiaartumillu suleriaaseqarnernut ikiuuttarneq
- pisariaqartitsineq malillugu pigisanik nalilinnik pisinermut tunisinermullu atatillugu paarlattaasarneq
Ilinnut tunngasut
Takorloorparput aningaasaqarnermut, aningaasalersuinermut, aqutsinermut assigisaanulluunniit ilinniagaqarnikkut attuumassutilimmik tunuliaqutaqassasutit. Assersuutigalugu aningaasaqarnermik isumalluutinillu aqutsinermut ilinniagartuujusinnaavutit, inuussutissarsiornermut aningaasaqarnermut bachelor-iusinnaavutit, aningaasalersuisarnermut ilinniagaqarsinnaavutit allatulluunniit attuumassutilimmik, tamatuma saniatigut sulinermik misilittagaqarfigisannik ilinniagaqarsinnaallutit.
Aamma aningaaseriveqarnermi aningaasalersuisarnermilu misilittagaqaruit, pingaartumillu taarsigassarsiat, akiliinerit, akiitsut sinneri, akilersuinerit, taarsigassarsianik naatsorsuisarnerit, nalimmassaanerit, sullitanik oqaloqateqarnerit uppernarsaasiortarnerillu suliarisimagukkit atorfik ilinnut tulluussinnaavoq.
Pingaartipparput:
- aningaasaqarnermik paasisimaarinnittuunissat, aammalu kisitsisit, naatsorsukkat uppernarsaatillu nalornissutiginagit sulisinnaa
- taarsigassarsianik aqutsineq, akiliisarnerit aningaasaqarnerlu pillugit sullissinerit misilittagaqarfigissagitit soqutigisarissagitilluunniit
- ilusilersukkamik, namminersorlutit akisussaaffinnillu ilisimaarinnillutit sulisinnaanissat
- allakkatigut oqaasiliullaqqinnissat, aammalu innuttaasunut suleqatigisatsinullu ersarissumik ilitsersuisinnaanissat
- aningaasaqarneq inuillu pillugit paasissutissanik isertuussisinnaanissat eqqortumillu suleriuseqarnissat
- Excel atorlugu sulisinnaanissat, ajornanngippallu IRIS, XAL, cBrain F2 sullississulluunnit assingusoq atorlugit sulinermik misilittagaqarnissat
- innuttaasunut, aningaaserivinnut, aningaasalersuisarfinnut, eqqartuussissuserisunut, kommuninut oqartussaasunullu allanut ilitsersuisinnaanissat
- inissiaqarfinnut tunngasunik pisortallu inissianut aningaasalersuisarnermut aaqqissuussinerinik soqutigisaqarnissat
Pisortat aqutsinerinik, journaliseeriisarnermik, ingerlatsinermilu inatsisitigut tunngaviusunik ilisimasaqarneq iluaqutaassaaq, piumasaqaataanngilarli.
Aamma kalaallisut danskisullu oqaatsit atorlugit attaveqarsinnaaguit iluaqutaassaaq.
Neqeroorutigaavut
Ineqarnermik suliassaqarfimmi atorfik namminersorfiusoq, inuiaqatigiinnullu attuumassutilinnik suliaqarfiusoq neqeroorutigaarput. Inissianik Illuutinillu suliassaqarfimmi suleqataalissaatit, tassanilu inissianut politikkimut, inissianik aningaasalersuisarnermut, pigisanik aalaakkaasunut, inatsisinut aammalu innuttaasunik, oqartussaasunik politikkikkullu siuttunik kiffartuussinernut tunngasunik suliaqassaatit.
Sulianik aalajangersimasunik, aningaasaqarnermi naatsorsuinernik, innuttaasunut ilitsersuinernik, nalimmassaanermik, taarsigassarsianik aqutsinermik aammalu suliassaqarfimmi, innuttaasunut annertuumik pingaaruteqartumi suleriaatsit assigiiaarnerusunngorlugit ineriartortinneqarnerini suleqataanissamut periarfissaqassaatit.
Sulineq avatangiisini, assigiinngiiaartunik suliaqarfiusuni, aalajangiinissamut naatsunik aqquteqarfiusuni, aammalu allaffimmi suleqatinut qanittumik suleqateqarfiusuni ingerlanneqarpoq.
Ulloq atorfiniffissaq
1. september 2026 imaluunniit isumaqatigiissuteqarneq malillugu.
Soqutiginnippit?
Apeqqutissaqaruit allaffimmi pisortaq Steve Sandgreen attaveqarfigisinnaavat stsa@nanoq.gl aqqutigalugu.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Qinnuteqartoq uppernarsaatitalinnik piginnaasalik immikkut siunnersortitut, siunnersortit pisortaatut siunnersortaanertulluunniit isumaqatigiissutit naapertorlugit atorfinitsinneqarsinnaasarpoq.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Om Naalakkersuisut
Søger du udfordringer og har lyst til at præge hverdagen gennem dit arbejdsliv og være med til at forme fremtiden, så er et job hos Grønlands Selvstyre noget for dig. Vi forventer stor ansvarlighed og vægter faglige kvalifikationer, en sund analytisk tilgang til tingene samt omstillingsparathed højt hos medarbejderne. Herudover er din evne til at strukturere hverdagen og bevare overblikket vigtig. Grønlands Selvstyre består af en Centraladministration, med mere end 650 ansatte fordelt på flere departementer, samt en lang række decentrale enheder. Tilsammen er vi mere end 2500 mennesker tilknyttet Grønlands Selvstyre. Centraladministrationens opgave er, at sikre Naalakkersuisut (regeringen) et solidt politisk beslutningsgrundlag, samt at føre de politiske beslutninger ud i livet. Du kan læse mere om Grønlands Selvstyre på http://www.naalakkersuisut.gl/job