Ilinniartitaaneq soqutigisaraajuk? Peqqissaartumik aamma ataqatigiissaarluakkamik suleriaaseqarlutillu suliassannik inaarinnittarpit? Qarasaasiami programmit assigiinngitsut atorlugit sulineq sungiusimaviuk? Suleqatit pitsaasut, ulluinnaat allanngorartut, ineriartornissamut aamma sunniuteqaqataanissamut periarfissat pilerigigukkit - taava atorfimmik ilinnoortumik neqeroorpugut! 

Atorfik inuttalerneqassaaq decembarip aallaqqaataani 2026, isumaqatigiinnikkulluunniit piaartumik inuttalerneqassaaq. Atorfik sapaatip akunneranut 40 tiimini suliffiuvoq.

Ilinniartunik Sullissivik pillugu:

Ilisimatusarfiup allaffeqarfia, Ilinniartunik Sullissiviup ilaaffigisaa, aaqqissugaanermi pingaaruteqarluinnartutut inissisimavoq aamma ilinniartunik, ilinniartitsisunik, sulisunik, innuttaasunik suleqatigisanillu tapersersueqataasarpoq. Atuuffiit inunnut eqimattakkuutaanut assigiinngitsunut attuumassuteqartutut isigissagit pingaaruteqarpoq, ilinniartuutitsinnulli maaniikkatta siullertut pingaartitarissavat - ikiorneqarnissaminnillu periarfissaqartitsigaangata piareersimasarpugut.

Ilinniartunik Sullissivimmi suleqatigiit 12-lluta ilinniartut 600-t missaat ilinniakkanut 12-inut agguarsimasut kiffartuuttarpagut. 

Suliassatit tassaassapput:

• Ilinniartut ilinnernerisa ingerlarngi pillugit allaffissorneq - akuerisaanerannit soraarummeernissaata tungaanut
• Ilinniarnerit siuariartornerannik / ECTS-pointinik katersuinernik misissuineq
• Ilinniartitaanermut Naalakkersuisoqarfik suleqatigineratigut ilinniagaqarnersutisianik sulissutiginninneq
• Ilinniagaqarnersiutit aamma angalanerit pillugit allaffissorneq ilitsersuinerlu
• Suleriaatsinik aamma sulianik ingerlassinernik ineriartortitsinerni peqataaneq
• Ineriartortitsinermi suliassanik, inatsisinik nassuiaanermi, misissueqqissaarinermi suliassanik il.il. ilinniartunik sullissivimmi pisortap suliaqarnerani
• ikiuunneq
• Suliassat takkuttut

Qarasaasiatigut programmit ulluinnarni atortakkagut tassaapput Lectio, WISEflow, It-reg, Mit-perspektiv. Programmit taakkua ilaannik amerlanernilluunniit ilisimasaqarneq iluaqutaangaatsiassaaq, tamannali piumasaqaataanngilaq.

Piginnaasassat:

• Ingerlaqqiffiusumik ilinniagaqarsimaneq, inatsisilerinerup iluani ilinniagaqarsimaneq pitsaanerussaaq
• Inatsisilerinerup iluani sulianik ingerlassinernik misilittagaqarneq kiisalu qarasaasiami systeminik ilisimasaqarluarneq
• Ilitsoqqussatut kalaallisut oqaasilik kiisalu qallunaat tuluillu oqaasiinik piginnaasalik
• Assingusumik atorfeqarnermik misilittagaqarneq iluaqutaassaaq, piumasaqaataanngilarli
• Systemit piginnaasaqarluarfigineri
• Namminersorluni, ataqatigiissaarluakkamik aaqqissuulluagaasumillu sulisinnaaneq
• Suliassanut tamanut akuersaartumik periuseqarneq

Sulianik isumaginnittarneq annertooq atorfimmut ilaavoq, taamaammat inatsisinut aamma aalajangiinerni namminersorlutit sulisinnaasariaqarputit.

Qinnuteqaat

Atorfininnissamut qinnuteqaat qinnuteqaatip saniatigut makkuninnga imaqassaaq: 

Bilag 1:  Curriculum Vitae

Bilag 2:  Soraarummeersimanernut uppernarsaatit

Bilag 3:  Inunnut pingasut angullugit amerlassusilinnut paasissutissanik aallerfiusinnaasunut attaveqaatinut paasissutissat.

Atorfinitsitsinerup ingerlanneqartarnera

Qinnuteqaatit tiguneqartut tamarmik atorfinitsitsinermut ataatsimiititaliamit suliarineqassapput.

Attavigisassat/ paasissutissat: 

Atorfik pillugu sukumiinerusunik paasisaqarusukkuit, tikilluaqquneqarputit Ilinniartunik sullissivimmi pisortaq Rosa Lorentzen attavigissallugu oqarasuaat +299 347315. Ilisimatusarfik pillugu paasisaqarnerorusukkuit uani paasisaqarnerusinnaavutit www.uni.gl.

Ilisimatusarfik pillugu

Ilisimatusarfik 1987-imi pilersinneqarpoq. Maannakuugallartoq ilinniarneqarsinnaasut assigiinngitsut 13-upput, taamatuttaaq Ilisimatusarfiup neqeroorutigai diplom-imut masterimullu saniatigut ilinniarnerit. Ilisimatusarfik issittumi universitetiuvoq nunarsuup ilaani pilertortumik ineriartorfiusumi nutaanik ilisimasaqalerfiusoq nutaaliorfiusorlu. Siulersuisut tassaapput Ilisimatusarfiup qullersai. Ulluinnarni aqutsineq rektorimit direktørimillu ingerlanneqarpoq. Instituttit sisamaasut Instituttini Siunnersuisoqatigiinnit siunnersorneqartumik siulersorneqarput.
 
Ilisimatusarfik sisamanik instituteqarpoq:

• Ilinniartitsinermik Ilisimatusarfik
• Inuiaqatigiilerinermik, Aningaasaqarnermik Tusagassiornermillu Ilisimatusarfik
• Kulturimik, Oqaatsinik Oqaluttuarisaanermillu Ilisimatusarfik
• Peqqissaanermik Pinngortitamillu Ilisimatusarfik

Allaffissornikkut aqutsisoqatigiiffik pillugu
Allaffissornikkut aqutsisoqatigiiffiup ilisimatusarfik tamakkerlugu sullitaraa. Ilisimatusarfiup direktørianit aqunneqarpoq. Allaffissornikkut aqutsisoqatigiiffik Ilimmarfimmi immikkoortortaqarpoq. Immikkoortortat ilinniartitsivinni ingerlatsiviusunik qanimut suleqateqartarput soorlu namminneq akunnerminni aamma suleqatigiittartut. Allaffissornikkut aqutsisoqatigiiffimmi suliassat tassaapput: ilinniartut pillugit-, sulisut pillugit allaffissornikkut aqutsineq, Siulersuisunik, Akademisk Rådimik kiisalu ilimmarfimmi sulisunik ilinniartunillu sullissineq. Allaffissornikkut aqutsisoqatigiiffiup Ilimmarfiup illutaanik sanaartornermik nakkutiginninneq aamma ingerlataraa.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Qinnuteqartoq uppernarsaatitalinnik piginnaasalik immikkut siunnersortitut, isumaqatigiissutit naapertorlugit atorfinitsinneqarsinnaavoq.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

Qaammatini pingasuni misiliilluni atorfeqarneq

Uani atorfimmi qaammatini pingasuni misiliilluni atorfinitsitsisoqassaaq.