ALLAGARSIUTEQQITAQ: Ilisimatusarfimmi ph.d.-nngorniatut atorfik
Tamakkiisumik aningaasaliiffigineqartumik ph.d.-nngorniuteqarlutit ilisimatusartutut atorfeqarnissat soqutigaajuk? Inuiaqatigiilerinermik Aningaasaqarnermik Tusagassiornermillu Ilisimatusarfimmi ph.d.-tut atorfik massakkut inuttassarsiuunneqarpoq.
Atorfik inuttalerneqassaaq novembarip 1-ianni imaluunniit iIsumaqatigiinnikkut piaartumik inuttalerneqassaaq. Atorfik sapaatip akunneranut 40 tiimit suliffiuvoq.
Atorfik ilisimatusaatigalugu suliniummut matumunnga atassuteqarpoq: Experiences and Perceptions of Climate Change: A View of the Next Generation (EPIC). Suliniummi Kalaallit Nunaanni meeqqat atuarfianni atuartut silap pissusiata allanngoriartornerannut isiginninnerat atuartitsinernilu – soorlu atuartitsissutini sammisassaqartitsinernilu – silap pissusaata allanngoriartornera qanoq sammineqartigisarnersoq misissuivigineqarpoq. Kalaallit Nunaanni atuartut silap pissusaata allanngoriartornera qanoq misigalugulu isigineraat paasisaqarfigiumallugu Ilisimatusaatigalugu suliniummi matumani Københavns Universitet, Ilisimatusarfik, Pinngortitaleriffik aamma UNICEF nunatsinni suleqatigiipput.
Suliniut Danmarks Frie Forskningsfondimit (DFF) (5345-00021B) aningaasaliiffigineqarpoq ukunanngalu aqunneqarluni: Københavns Universitetimi P.I. Professori Benedikte Brincker, aamma Ilisimatusarfimmi adjungeret professor, Co-P.I. Lektori Lars Demant Poort, Ilinniartitsinermik Ilisimatusarfik aamma Co-P.I. Adjunkt Mîtdlârak Lennert, Inuiaqatigiinnik, Aningaasaqarnermik Tusagassiornermillu Ilisimatusarfik.
Naatsorsuutigaarput illit…
- Ilinniartitsinermi inuiaqatigiilerinermiluunniit kandidatitut ilinniaqqissimasutit
- Kalaallit Nunaanni aamma/imaluunniit Issittumi pissutsit ilisimasaqarfigigitit
- Kalaallisut, danskisut tuluttullu paasinartumik oqalussinnaasutit
- Ph.d.-nngorniuteqartutut allatsissinnaanissamut piumasaqaatinik allanik eqqortitsisutit
Ilinnut makku neqeroorutigaavut:
- Ilisimatusarfimmi ilisimatusartunik suleqatigiinnut eqinnaatsunut ilaalissaatit
- Inuiaqatigiilerinermi suliaqarfiillu tapertariissillugit ilisimatusarnermik paasisimasaqarlualissaatit
- Paasissutissanik katersinermi toqqaannartumik misilittagaqalernissaq, ilaatigut meeqqanut isummersoqatigiiffinnik atuineq, nammineq misilittagaqarfigilissavat
Qinnuteqaat:
Ilisimatusaatigalugu suliniummut EPIC-imut atatillugu ph.d.-nngorniatut atorfinittussatut allakkianik ukuninnga imalimmik qinnuteqaasiussaatit:
Ilanngussaq 1: Qinnuteqaat tunngavilersugaq (quppernerit marluk)
Ilanngussaq 2: Curriculum Vitae (quppernerit marluk)
Ilanngussaq 3: Soraarummeersimanermut uppernarsaatit karakteerillu allattorsimaffiat
Ilanngussaq 4: Saqqummersitaqarsimagaanni taakkua allattorsimaffiat
Attavissat/paasiniaavissat:
Atorfik pillugu paasisaqarnerorusukkuit uku attavigiinnarigit: Professor Benedikte Brincker, bebr@soc.ku.dk, imaluunniit atorfeqartitaanermi akissaatinullu tunngasunik apeqquteqarniaruit Inatsitutimi pisortaq Annemette Nyborg Lauritsen saaffigisinnaavat oqarasuaatip normuanut uunga: +299 347360.
Ilisimatusarfik pillugu paasisaqarnerorusukkuit uani atuarsinnaavutit: www.uni.gl
Ph.d.-nngorniarluni ilinniagaq pillugu paasissutissat amerlanerusut Ilisimatusarfiup ph.d.-nngorniarfimmut malittarisassiaani www.uni.gl-imiipput.
Atorfinitsitsinerup ingerlanneqartarnera
Qinnuteqaatit tiguneqartut tamarmik atorfinitsitsinermut ataatsimiititaliamit suliarineqassapput.
Atorfik pillugu:
Ph.d.-stipendiatitut atorfeqarneq ukiunik pingasunik sivisussuseqarpoq, Kalaallillu Nunaanni najugaqarnissaq piumasaqaataavoq.
Ilisimatusarfik pillugu
Ilisimatusarfik 1987-imi pilersinneqarpoq. Maannakuugallartoq ilinniarneqarsinnaasut assigiinngitsut 13-upput, taamatuttaaq Ilisimatusarfiup neqeroorutigai diplom-imut masterimullu saniatigut ilinniarnerit. Ilisimatusarfik issittumi universitetiuvoq nunarsuup ilaani pilertortumik ineriartorfiusumi nutaanik ilisimasaqalerfiusoq nutaaliorfiusorlu. Siulersuisut tassaapput Ilisimatusarfiup qullersai. Ulluinnarni aqutsineq rektorimit direktørimillu ingerlanneqarpoq. Instituttit sisamaasut Instituttini Siunnersuisoqatigiinnit siunnersorneqartumik siulersorneqarput.
Ilisimatusarfik sisamanik instituteqarpoq:
- Ilinniartitsinermik Ilisimatusarfik
- Inuiaqatigiilerinermik, Aningaasaqarnermik Tusagassiornermillu Ilisimatusarfik
- Kulturimik, Oqaatsinik Oqaluttuarisaanermillu Ilisimatusarfik
- Peqqissaanermik Pinngortitamillu Ilisimatusarfik
Allaffissornikkut aqutsisoqatigiiffik pillugu
Allaffissornikkut aqutsisoqatigiiffiup ilisimatusarfik tamakkerlugu sullitaraa. Ilisimatusarfiup direktørianit aqunneqarpoq. Allaffissornikkut aqutsisoqatigiiffik Ilimmarfimmi immikkoortortaqarpoq. Immikkoortortat ilinniartitsivinni ingerlatsiviusunik qanimut suleqateqartarput soorlu namminneq akunnerminni aamma suleqatigiittartut. Allaffissornikkut aqutsisoqatigiiffimmi suliassat tassaapput: ilinniartut pillugit-, sulisut pillugit allaffissornikkut aqutsineq, Siulersuisunik, Akademisk Rådimik kiisalu ilimmarfimmi sulisunik ilinniartunillu sullissineq. Allaffissornikkut aqutsisoqatigiiffiup Ilimmarfiup illutaanik sanaartornermik nakkutiginninneq aamma ingerlataraa.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Qinnuteqartoq uppernarsaatitalinnik piginnaasalik immikkut siunnersortitut, siunnersortit pisortaatut siunnersortaanertulluunniit isumaqatigiissutit naapertorlugit atorfinitsinneqarsinnaasarpoq.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qaammatini pingasuni misiliilluni atorfeqarneq
Uani atorfimmi qaammatini pingasuni misiliilluni atorfinitsitsisoqassaaq.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Om Naalakkersuisut
Søger du udfordringer og har lyst til at præge hverdagen gennem dit arbejdsliv og være med til at forme fremtiden, så er et job hos Grønlands Selvstyre noget for dig. Vi forventer stor ansvarlighed og vægter faglige kvalifikationer, en sund analytisk tilgang til tingene samt omstillingsparathed højt hos medarbejderne. Herudover er din evne til at strukturere hverdagen og bevare overblikket vigtig. Grønlands Selvstyre består af en Centraladministration, med mere end 650 ansatte fordelt på flere departementer, samt en lang række decentrale enheder. Tilsammen er vi mere end 2500 mennesker tilknyttet Grønlands Selvstyre. Centraladministrationens opgave er, at sikre Naalakkersuisut (regeringen) et solidt politisk beslutningsgrundlag, samt at føre de politiske beslutninger ud i livet. Du kan læse mere om Grønlands Selvstyre på http://www.naalakkersuisut.gl/job