Aalisagalerinermi aammalu aalisakkat peqassusaannik nalilersuinermi ilisimatusartoq/ilisimatusartuuneq
Pinngortitaleriffimmi Aalisakkanut Qalerualinnullu immikkoortortaqarfik aalisakkat qaleruallillu Nunatsinniittut peqassutsimik nalilersuinermik suliaqarnissamut ilisimatusartutut / ilisimatusartuunertut atorfeqarnissamut aalajangersimasumik atorfinitsitsiniarpoq. Aalisakkat qaleruallillu peqassutsimik nalilersuineq aamma aalisarnermi pisuussutinik atuinermut siunnersuineq Nunatsinni inuiaqatigiinnut pingaaruteqarluinnarput, aalisarnermi Nunatsinni inuussutissarsiutit pingaarnerpaartaraat.
Suliassat pingaarnerit
- Kisitsisitigut paasissutissanik annertuunik misissueqqissaarneq aammalu peqassutsinik takussutissaliorneq.
- Ilisimatusarneq periutsinillu ineriartortitsineq. Immikkoortortaqarfiup suliassaqarfiata iluani nammineq ilisimatusarnissamut saqqummiussisarnissamullu piffissaqarpoq suliffiusup 25 %-ia atortarlugu.
- Pinngortitaleriffiup umiarsuaataani imarsiornermi misissuinernut peqataaneq.
- Aqutsisunut, politikerinut aamma soqutiginnittunut allanut siunnersuineq.
- Ilisimatusarnermi angusat oqaasiinnakkut allaganngorlugillu, assigiingitsunut paasissutissiiffigisarlugit
- Aalisakkat peqassusaannik nalilersuinermut tunngasunik ukiumoortumik nunat tamalaat akornanni suleqatigiissitanut ataatsimiinnernut kiisalu ICESimi/NAFOmi ataatsimiinnernut allanut attuumassuteqartunut peqataaneq (taamaattumik angalasarnissaq naatsorsuutigineqassaaq).
- Ilinniartitsineq, (soorlu bachelorinngornianut) ukiumut sapaatit akunneri marluk tikillugit pisarsinnaavoq.
Piginnaasat
Qinnuteqartoq kisitsisitigut uumassusilerinermik imaluunniit matematikki/statistikimik ilinniagaqarsimassaaq, kiisalu uumassusillit amerlassusiinik takussutissiortarnermik misilittagaqassalluni. Paasissutissanik toqqorsivinnik, soorlu MS Accessimik, suliaqarnermik misilittagaqarneq iluaqutaassaaq. Aqutsinermut oqartussaasunut, atuisunut ilisimatusartunullu allaganngorlugu oqalunnikkullu paasisitsiniaasinnaanermut piginnaasaqarluarnissaq pingaartinneqarpoq. Ilisimatusarnermi aamma nakkutilliinermi pilersaarutinik misilittagaqarneq, nunat tamalaat akornanni ilisimatusarnikkut suleqatigiinnerni peqataasarsimanissaq, oqartussaasunut siunnersuisarsimanissaq kiisalu ilisimatuussutsikkut atuagassiani naleqquttuni saqqummersitsisarsimanissaq aamma iluaqutaassaaq. Imarsiornermi sulinermik misilittagaqarneq aamma iluaqutaassaaq.
Naatsorsuutigaarput qinnuteqartoq suliassaminut ilisimasaqarluarnermik tunniusimassasoq, allanngorartunut naleqqussarsinnaassalluni, peqqissaartuussalluni, suleqatiginnillaqqissuunissaminik takutitsissalluni kiisalu nunat tamalaat akornanni ilisimatusarnikkut avatangiisini sulisarnissaminut kajumissuseqassasoq. Nunatsinni pissutsinik ilisimasaqarneq kalaallisullu oqaaseqarneq iluaqutaassaaq.
Ilisimatusartuunernut immikkut piumasaqaatit
- Imarmiunik uumassusilinnik pisuussutinut tunngasunik ilisimatusarnermik attuumassuteqartumik uppernarsaatissaqartumik suliaqarsimanissaq, ilisimatusartuunertut napertuuttumik qaffasissuseqartumik.
- PhD-tut ilinniagaqarsimanissaq.
- Kisitsisitigut pilersaarusiortarnermik paasissutissanillu misissueqqissaartarnermik annertuunik misilittagaqarneq (ajornanngippat R-imik imaluunniit Pythonimik atuinermik, aammalu uumassusillit amerlassusiinik takussutissaliornermik peqassutsinillu nalilersuinermik misilittagaqarneq).
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Paasissutissat allat
Pinngortitaleriffik pillugu paasissutissat sukumiinerusut nittartakkami www.natur.gl takuneqarsinnaapput imaluunniit immikkoortortaqarfimmi pisortaq Søren Post toqqaannartumik attavigalugu, oqarasuaat +299 361200, e-mail: sopo@natur.gl
Qinnuteqarnissamut killissarititaq ulloq 16. november 2026
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Om Naalakkersuisut
Søger du udfordringer og har lyst til at præge hverdagen gennem dit arbejdsliv og være med til at forme fremtiden, så er et job hos Grønlands Selvstyre noget for dig. Vi forventer stor ansvarlighed og vægter faglige kvalifikationer, en sund analytisk tilgang til tingene samt omstillingsparathed højt hos medarbejderne. Herudover er din evne til at strukturere hverdagen og bevare overblikket vigtig. Grønlands Selvstyre består af en Centraladministration, med mere end 650 ansatte fordelt på flere departementer, samt en lang række decentrale enheder. Tilsammen er vi mere end 2500 mennesker tilknyttet Grønlands Selvstyre. Centraladministrationens opgave er, at sikre Naalakkersuisut (regeringen) et solidt politisk beslutningsgrundlag, samt at føre de politiske beslutninger ud i livet. Du kan læse mere om Grønlands Selvstyre på http://www.naalakkersuisut.gl/job