INNAALLAGISSERISUTUT ILINNIARTITAANERMI ILINNIARTITSISUT MARLUK – Kalaallit Nunaanni Teknikkimik Ilinniarfik – Sisimiut.
Kalaallit Nunaanni siunissami innaallagialerisussat ilinniartissallugit suliatigut piginnaasatit atornerusuppigit?
Inniartitsinermik misilittagaqartuuneq iluaqutaassaaq, piumasaqaataanngilarli.
Innaallagialerisutut ilinniartitaaneq Sisimiunut nuunneqassaaq, taamaattumik innaallagialerisunik imaluunniit installatørinik suliumassuseqarluartunik marlunnik pissarsiorpugut, suliatigut piginnaanertik misilittakkanilu atuarfimmi ilinniartitsinermut tunniussaqarusuttunik siunissamilu innaallagialerisunngortussat inuttut suliatigullu piginnaaneqartilerlugit peqataarusuttunik.
KTI-mi suliatigut piginnaasatit ilinniartitsinermut atorsinnaavatit ilinniartullu suliatigut piginnaaneqalersillugit, imminut upperinissaat ineriartornissamullu kajumissuseqalersissallugit peqataaffigalugu.
Ilinniartitsisutut ilinniarsimasariaqanngilatit. Pingaarnerpaavorli suliatigut nukittuumik tunuliaqutaqarnissat ilisimasannik ilinniartunut ingerlatitseqqinnissat, ilinniartut kajumissaarlugit suleqatitillu peqatigalugit ilinniartitsineq ineriartortillugu.
SULIFFIK PINGAARUTILIK
Ilinniartitsisutut KTI-mi innaallagisserisutut ilinniartitaanermi qitiulluinnartutut inissisimassaatit. Suleqatitit peqatigalugit ilinniartitsineq atuagarsornermi ulluinnarnilu piviusumik suliaqarneq ataqatigiississavasi, taamaalillutik ilinniartut atuarfimmi ilikkagatik innaallagialerisutut sulinermi piviusunngortissinnaanngorlugit.
Atuarfimmut ineriartortumut ilaalissaatit Kalaallit Nunaanni suliffeqarfiit kissaatigisaannik pisariaqartitaanillu naammassinnittumi kiisalu inuusuttut inersimasullu inuussutissarsiutitigut ilinniarnissamik qinnuteqartut akornanni kissaatigineqartunut naleqqussagaasumik.
KTI-p innaallagisserisutut ilinniartitaanermi tunngaviusumik ilinniartitsineq (grundforløb) neqeroorutigaa. Ilinniarnerup pingaarnersaa H1 maannakkorpiaq Kalaallit Nunaanni ingerlanneqartanngilaq, taamaattumik ilinniartut atuarnertik Danmarkimi ingerlateqqittarpaat. Taamaammat ilinniartitsineq danskit oqaasii atornerullugit ingerlanneqartarpoq.
SULIASSATIT:
Suleqatitit peqatigalugit ilaatigut makkua suliarissavatit:
- ilinniartitsineq pilersaarusiussavarsi, ingerlatissavarsi nalilersussavarsilu
- ilinniartitsinerup suliatigut pædagogisk-ikkullu imarisai ineriartortillugit
- ilinniartut suliatigut inuttullu ineriartornerat siunersorlugit tapersersorlugillu
- Atuagarsorneq ulluinnarnilu piviusut ataqatigiissillugit, ilinniartitsineq tulluartutut atorneqarsinnaasutullu misigineqarniassammat
- ilinniartitsinermi avatangiisit pitsaasut kajumissaataasullu pilersillugit, atugarissaarnissaq suliatigullu ineriartornissaq qitiutillugit
- ilinniartitaanermi ataqatigiissitsinissaq, ingerlariaqqinnissaa pitsaassuseqarnissaalu pillugu suleqatinnik suleqateqarlutit
- innaallagialerisut suliassaasa iluani ineriartornermut, tassunga ilaallutik inatsisit, malittarisassat najoqqutarissallu atuuttut pillugit malinnaatitsisarlutit.
PIUMASAQAATIT:
Naatsorsuutigaarput illit tassaasutit:
- innaallagisserisutut, installatøritut ilinniarsimasoq imaluunniit uppernarsaatitalimmik piginnaasalik
- fagit iluani ukiuni arlalinni tulluartumik suliaqarnermik misilittagaqartoq
- ilinniartitsinermik, siunersuinermik suliatigullu ilisimasannik misilittagannillu avitseqateqarnissamik soqutigisaqartoq
- suliatigut teknikikkullu alapernaattoq suliavit iluani paasissutissanik nutarteriuartoq
- inatsisinik, malittarisassanik najoqqutarissanillu atuuttunik ilisimasaqartoq
- netværkinik kalerrisaarutinillu ilisimasaqartoq imaluunniit soqutigisaqartoq
- atortunik digitaliusunik suliaqarnermi IT-nillu atuinermi naammaginartumik piginnaasalik
- inuttut qanilaartoq, pimoorussisoq ineriartortitsinermik soqutigisaqartoq
- suleqatigiinnermik nuannarisaqartoq suleqatigiilluarnissamullu peqataalluartuusoq
- kalaallit kulturiannut sammisaqarfiannullu ilisimasaqartoq
- kalaallisut qallunaatullu oqaaseqarluarsinnaasoq.
KTI-MI NEQEROORUTIGISAVUT
KTI-mit ilinnut neqeroorutigineqarpoq suliatigut piginnaasatit nutaamik atornissaannut piffissagissaarneq tamatuma saniatigut Kalaallit Nunaanni inuussutissarsiutitigut ilinniartitsinerup ineriartortinnissaanut peqataallutit.
Ilinniarfimmi nutaaliaasumi pissarsiffissaqarluartumilu sulilerpassaatit sanaartorfiit aaqqissuustalluarput, ilinniartitsinermi atortut nutaaliaallutik suleqatillu pimoorussisuullutik.
Suliatigut qaffasissumik pitsaassuseqarnissaq ilinniartut suleqatillu ulluinnarni pitsaasumik atugaqarnissaat pillugu qanimut suleqatigiittarpugut – ilinniartut atuarnerminnik kajumilersitsinissaq ilinniartuuinnarnissaanillu angusaqarniarneq suleqatigiissutigalutigu.
Ilinniartitsisutut nutaatut misilittagaqartut ikiussavaatit tapersersorlugillu. Piginnaasavit ineriartortinneqarnerannut KTI-p pædagogikimi tunngaviusumik ilinniagaq (PG) akilissavaa. Ilinniarneq suliffiup nalaani ingerlanneqartarpoq Kalaallit Nunaatalu sineriaani illoqarfinni allani ingerlanneqarsinnaalluni.
KTI-p tunngaviusumik suliassaa suleqatigiissutigaarput: Atuartitsineq pitsaanerpaaq ilinniartunut pikkorissartitatsinnullu.
KTI PILLUGU – INUUSSUTISSARSIUTITIGUT ILINNIARFIK ILINNIARNERTUUNNGORNIARFILLU
Kalaallit Nunaanni Teknikkimik Ilinniarfik (KTI) ilinniarfiuvoq nutaaliaasoq Nuummi Sisimiunilu 150-it missaannik sulisoqartoq.
KTI-p inuussutissarsiutitigut ilinniarnerit ilaatigut Saviminilerineq, Sanaartornermut, Nunniortunngorniarfik Oqaatsillu pillugit pikkorissarnerit neqeroorutigai kiisalu Ilinniarnertuunngorniarfimmi ilinniarnerit GUX, e-GUX aamma Nordatlantisk gymnasieklasse.
Tamatuma saniatigut KTI-p ingeniørinngorniarnermut maskinmesterinngorniarnermullu adgangskursusit neqeroorutigai.
KTI Danmarks Tekniske Universitet – DTU ARCTIC-ilu ingeniørinngorniarluni ilinniarnerit marluk aamma maskinmesterinngorniarluni ilinniarneq Teknika ingerlannissaanut ingerlatsinermut suleqatigiissuteqarput.
Tamatuma saniatigut KTI Sisimiuni kollegiat ingerlanneqarnerannut akisussaaffeqarpoq.
ATORFINITSITSAARNEQ
Kissaatigaarput atorfininneq qaammatini pingasuni misileeqqaarnermik aallartinneqassasoq.
PAASISSUTISSAT AMERLANERUSUT
Atorfik pillugu paasisaqarnerorusukkuit uunga saaffiginninnissannut tikilluaqqusaavutit: Ilinniartitaanermut Pisortaq Ole Jørgen Pedersen Oqarasuaat +299 861612 -299 482701. E-mail: jopl@kti.gl
INUUNEQ SISIMIUNI
Atuarfiup ineriartortup ilagalugu sulillutit – inooqatigiillu ineriartortut peqataaffigalugit.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Qinnuteqartoq uppernarsaatitalinnik piginnaasalik immikkut siunnersortitut, siunnersortit pisortaatut siunnersortaanertulluunniit isumaqatigiissutit naapertorlugit atorfinitsinneqarsinnaasarpoq.
Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Om Naalakkersuisut
Søger du udfordringer og har lyst til at præge hverdagen gennem dit arbejdsliv og være med til at forme fremtiden, så er et job hos Grønlands Selvstyre noget for dig. Vi forventer stor ansvarlighed og vægter faglige kvalifikationer, en sund analytisk tilgang til tingene samt omstillingsparathed højt hos medarbejderne. Herudover er din evne til at strukturere hverdagen og bevare overblikket vigtig. Grønlands Selvstyre består af en Centraladministration, med mere end 650 ansatte fordelt på flere departementer, samt en lang række decentrale enheder. Tilsammen er vi mere end 2500 mennesker tilknyttet Grønlands Selvstyre. Centraladministrationens opgave er, at sikre Naalakkersuisut (regeringen) et solidt politisk beslutningsgrundlag, samt at føre de politiske beslutninger ud i livet. Du kan læse mere om Grønlands Selvstyre på http://www.naalakkersuisut.gl/job