Tamu kantiinami Cater & kantine assistent-mik  suleqatissarsiorpugut

Suleqatigiinnut peqqissuseq ukkataralugu sulisunut aamma inuttullu sunniuteqarnissamut periarfissaqarluarlutit suleqataalerusuppit? Taava Namminersorlutik Oqartussat kantiinaani piaartumik suleqatissarsiorpugut 

Atorfik pillugu:
Suleqatigiit ilinniarsimasut ilinniartorlu suleqatigilissavatit makkuninngalu piareersaaqataasassallutit:

• Ullup qeqqasiortitsinerit, ataatsimiinnerni aaqqissuussinernilu sassaallernerit.

Nerisassat peqqinnartut pingaartinneqarput, tamatumunnga ilanngullugit sukkortunut nerisassat, kiisalu pisisartunut glutenimik laktosemillu sapigalinnut nerisassiat. Isumassarsiavit atornissaannut periarfissaqassaatit, nerisassallu suussusaannik saqqummiussinerni sunniuteqarsinnaallutit.

Naatsorsuutigaarput illit:

• Nammineertuusutit, nutaanik pilersitsisinnaasutit, pikkorittuusutit silatussaartuullutillu.
• Suleqatiginnikkusuttuuvutit, suliniuteqarumatuujullutit kiisalu akisussaassuseqarluarlutit, suliavillu naammassinissaasa tungaanut malinnaavigisassallugit.
• Suliartortuaannartuullutit takujuminartuullutillu
• Naleqquttumik suliamik ilinniagaqarsimasutit igasutut, igaffimmi ningiutut, nerisassanik tunioraasutut kantiinamilu ikiortitut, imaluunniit inuussutissalerinermut ikiortitut.
• Naleqquttumik misilittagalik – ajornanngippat sulisut kantiinaannit ullormullu nerisassanik nerisassiornermut tunngasunik
• Igaffimmi eqqiluisaarnermik aqutsisinnaasutit
• Iluaqutaassaqaaq kalaallisut danskisullu oqallorikkuit.

Neqeroorutigivagut:

• Suliffik pissanganartoq akisussaassuseqarfiusorlu
• Suleqatigiinnut nutaanik pilersitsisinnaasunut ilanngunnissat, utertitsivigeqatigiinnerlu qitiutillugu isumassarsiamiit piviusunngortitsinermut sivikitsumik sulisinnaassallutit
• Suliffeqarfik pitsaasunik avatangiisilik, immitsinnut mianeraluta ataasiakkaarluta peqqilluta atugarissaarnermillu pingaartitsisorujuulluta
• Iluatsitsilluarnermut peqataalernissaq
• Sapaatip akunneranut akunnerit 40-it suliffiusarput, unnukkut akunnerullu naaneri sulinngiffiusarlutik.
• Isumaqatigiissutit atuuttut naapertorlugit aningaasarsiaqarnermi atorfeqartitaanermilu atugassarititat.

Kantiina pillugu:

Kantiina TAMU, Namminersorlutik Oqartussani sulisunut, kiisalu Naalagaaffiup politiivini Naalagaaffiullu Sinniisoqarfiani atorfilinnut inniminnigaavoq ulluinnarnilu atuisut 150-it sullittarlugit.

TAMU-p ulluinnarni piffissami 11.30 – 13.30 neqeroorutigai ullaakkorsiutit, ullup qeqqani nerisassat, nerisassallu piariikkat annissassat.

TAMU-p nerisassat qaffasissumik pitsaassusillit sassaalliutigisarpai kiisalu kantiinamut neriartortartut assigiinngisitaartunik pitsaasunik misigisaqartittassallugit. Nerisassanik mamarluartunik nererusussuseqalersitsisartunik, peqqinnartunik toqqaanissamut kajumilersitsinikkut tamanna qulakkeerneqartarpoq. Nerisassat tunisassiassanit nutaarluinnarneersuussapput inuussutissaqarnermikkut qaffasissumik pitsaassusillit ukiullu qanoq ilinerani tunisassiarineqartartut malillugit neriassiarineqartarlutik. Nerisassiorneq avatangiisit eqqarsaatigalugit akisussaassuseqartumik suliaassaaq nerisanik igitsisarneq annikillisinneqarsimassalluni kalaallillu neriassaataannik atuiffiussalluni.


TAMU nerisassanut peqqinnartunut politikeqarpoq, atuisuni sapigallit aamma laktosemik glutenimillu sapigallit isiginiarneqassapput.

 

Attaveqarneq aamma qinnuteqarneq

Attaveqarneq aamma qinnuteqarneq Atorfik pillugu apeqqutissaqaruit, igaffiup pisortaa Charlotte E. Plesner saaffigissallugu tikilluaqquneqarputit ugguuna oqarasuaat 34 54 18 immaqaluunniit emailikkut Chef@nanoq.gl. 

Kalaallit Nunaanni Namminersorlutik Oqartussat pillugit paasissutissat nalinginnaasut pissarsiarineqarsinnaapput nittartakkakkut www.naalakkersuisut.gl.
Qinnuteqaat nalunaaqutserneqassaaq ”TAMU-mi sulisoq”, ilanngunneqassappullu CV, ilinniarsimanermut uppernarsaat, karakteerit assilineri kiisalu ilanngussassat suliffimmut attuumassuteqartut allat.

Qinnuteqarnissamut killigitinneqarpoq ataasinngorneq ulloq 4. September 2026. Ingerlaavartumik oqaloqatiginnittoqartassaaq. Atorfik www.naalakkersuisut.gl aqqutigalugu suliffissat ataanni qinnutigineqassaaq.

Akissarsiat atorfeqarnermilu atugassarititaasut                                                                                                         
Akissarsiat atorfeqarnermilu atugassarititaasut, taakkununnga ilaallutik atorfininnermi soraarnermilu angalanissamut kiisalu pisattat nassiunneqarnerini aalajangersakkat aallaavigalugit Namminersorlutik Oqartussat sulilertussallu kattuffiata isumaqatiginninniaasinnaatitaasup akornanni isumaqatigiissutit atorfininnerup nalaani atuuttut naapertorlugit pissapput.

Ineqarneq  Atorfimmut atatillugu sulisunut inissiamik innersuussisoqanngilaq. Qinnuteqartoq Namminersorlutik Oqartussani atorfeqarnini aqqutigalugu sulisutut ineqareeruni sulisutut inissiamik innersuussivigineqarnissamut pisinnaatitaaffik attatiinnarneqassaaq. Sulisutut inigisaq atorfeqarnermut atasuuvoq, atorfeqarunnaarnermilu qimanneqartussaassalluni.

Naalakkersuisut pillugit                   


Suliassanik unammillernartunik ujaasivit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluarpoq.
Annertuumik akisussaassuseqarnissat aammalu suliatigut piginnaaneqarnissamik pingaartitsinissat, pisunik misissueqqissaartuunissat, kiisalu sulisut akornanni allannguisoqarnissaanut piareersimalluartuunissat naatsorsuutigaarput. Tamatuma saniatigut ulluinnat ilusilersornissaannut piginnaaneqarnissat sulianillu ilisimasaqartuunissat pingaartipparput.

Namminersorlutik Oqartussat Qitiusumik Allaffissuaqarpoq, 650-it sinnerlugit, naalakkersuisoqarfinnut assigiinngitsunut agguarsimasunik sulisulimmik, kiisalu avataani immikkoortortat arlalippassuupput. Sulisut 2500-t sinnerlugit amerlassuseqartunut Namminersorlutik Oqartussanut attuumassuteqarpugut. Qitiusumik Allaffeqarfiup suliassaa tassaavoq, Naalakkersuisut aalajangernissaannut tutsuiginartumik tunngavissinnissaat aamma naalakkersuinikkut aalajangikkat piviusunngortinnissaat.