Aningaasaqarnermut Naalakkersuisoqarfik fuldmægtiginik/inatsisilerituunik ataatsimit marlunnut pissarsiorpoq

Sulianik ingerlatsinermik, ministerimik sullissinermik inatsisissanillu piareersarnermik piginnaaneqarpit suliaqarusullutillu? 

Inatsisilerituunik suliassanik pisariusunik aaqqissuussinermik nuannarisalinnik, sulianik arlalinnik ataatsikkut ingerlatsisinnaasunik, suliassanillu naammassinissaasa tungaannut malinnaanermik qulakkeerinnissinnaasunik pissarsiorpugut. Suliat ingerlanneqarneranik, inatsisini suliani aalajangiinernillu suliaqarnerni pilersaarusiornermik, ataqatigiissaarinermik ilusilersuinermillu kajungerisaqarputit. 

Naalakkersuisoqarfik akileraartarnermut immikkoortumi inatsisiliornermik, nuna tamakkerlugu pilersaarusiornermik pisortallu aningaasaqarnermik aqutsinernik suliaqarpoq. Tamatuma saniatigut naalagaaffimmi oqartussat suleqatigalugit aningaasalersuisarnermik immikkoortumi inatsit isumagineqarput. Akileraartarnermut immikkoortumi sulineq politikikkut aaqqissuusseqqinnernik atuutsilersitsinernik ingerlaavartumillu akileraartarnermik inatsisinik nutarterinermik nalimmassaanermillu imaqarsinnaavoq. Nuna tamakkerlugu pilersaarusiornermut immikkoortumi nunaminertanik piumanninnerup suli annertusiartornera takuneqarpoq, inatsisillu nutarternissaat nunalu tamakkerlugu pilersaarusiornermik pitsaanerusumik qulakkeerinninnissaq pisariaqartinneqarpoq. Aningaasaqarnermut tunngatillugu ilaatigut inatsimmut aamma Missingersuutit Naatsorsuutillu pillugit inatsit malillugu aalajangiinernut tunngasunik suliaqartoqarsinnaavoq.

Tamatuma saniatigut suliassaqarfinni taakkunani ilitsersuineq sulianillu ingerlatsineq   suliassanut ilaapput, tassani kommunit pilersaarusiortarnermut inatsit malillugu aalajangigaannik maalaarutinik suliarinninneq ilanngullugu. 

Atorfik sulianik suliallu pisariusuni malinnaatitsilernermik nuannarisalinnut naleqqulluartuuvoq. Suliani annertuut pilersaarusiornermi, ataqatigiissaarinermik inatsisiliornermillu pilersaarusianik malitseqartitsinermik, politikikkut aalajangiinernik suliaqarnermi sulianillu eqqortumik, aaqqissuussaasumik piffissarlu eqqorlugu tunniussinerup pingaaruteqarfiani ingerlatsinernik imaqarpoq.

Illit pikkoriffigisatit, piginnaasatit kissaatigisatillu apeqqutaallutik suliassaqarfitsinnut soorlu akileraarutinik, akitsuutinik akiliisitsisarnermilluunniit suliarisanut attaveqalissaatit. Pingaarnertut suliassatut pineqartut ilaannik ataatsimik suliaqassaatit, naalakkersuisoqarfimmili suliassaqarfiit allat iluini inatsisilerinermut tunngasunik, soorlu naammagittaalliuutinik sulianik isumaginninnernik suliaqartarnissat naatsorsuutigissavat.

Suut naatsorsuutigisinnaavigit?

Illit...

• inatsisilerinermi sulianut inatsisiliornermilu pilersaarusianut tunngatillugu pilersaarusiornermi, ataqatigiissaarinermi siuariaateqarnissaannillu qulakkeerinninnissaq eqqarsaatigalugit qitiusumik inissisimaffeqassaatit,
• inatsisilerinerup suliamillu suliarinninnerup iluani namminersorlutit inatsisilerinermik suliaqartussaassaatit,
• immikkoortortaqarfimmi inatsisilerinermik annertuumik misilittagaqarfiusumut ilanngutissaatit – aamma inatsisilerinermi piginnaasannik ineriartortitsissaatit
• Aningaasaqarnermut Naalakkersuisoqarfimmi, persuarsiorfiunngitsumi, suliakkiisumik qanimut suleqateqarfiusumi pimoorussisunillu sulisulimmik ilisarnaateqartumi ilaalissaatit,
• suliassaqarfimmut tunngatillugu paasisimasalinnik suleqateqassaatit,
• qullersatut aqutsisunik siunnersuissaatit,
• politikkikkut suleriaatsinut tunngatillugu annertuumik eqqumaffigineqartumi assullu soqutigineqartumi sulilissaatit.
• suliassanut innuttaasunut allannguisunut sunniuteqaqataassaatit.

Neqeroorutigaarput…

• atorfik soqutiginartoq annertuumillu akisussaaffeqarfiusoq aamma inuttut suliatigullu ineriartornissamut periarfissalik,
• suliannut annertuumik sunniuteqassaatit,
• pikkorissartitsinerit ilinniartaanerillu, taamaalillutit Namminersorlutik Oqartussani atorfeqartutut inissisimaffigisanni piareersimalluassaatit,
• sulisut peqatigiiffiat suliaqarfiulluarlunilu kajungernartunik neqeroorutilik, inooqataanikkut aaqqissuussinerit, sulisunullu iluaqutissat,
• Kalaallit Nunaata nerisassaataanik sammisaqartutut kantinaqarnikkut aaqqiissutitsialak.

Piginnaasatit

Cand.jur.-itut, imaluunniit cand.merc.jur.-itut naammassillutit ilinniarsimasuuvutit, ajornanngippallu ukiualunni misilittagaqarputit, nutaatulli ilinniakkaminik naammassinnerlaaq pikkorillunilu pimoorussisoq aamma eqqarsaatigineqarsinnaavoq.

Illit...

• aaqqissuussamik suleriaaseqarputit sulianik aaqqissuussinermillu tamakkiisumik isiginninnermut piginnaaneqarputit sulianilu pisariusunik ilusilersuisinnaavutit,
• aaqqissuussamik suleriaaseqarputit ulapaarfiusumilu ingerlalluartartuuvutit,
• suliassanut tunngasutut suliaqarfigisatsinni ataatsimik, imaluunniit arlalinnik ilisimasaqarlunilu soqutigisaqarputit. 
• Oqalunnikkut allannikkullu oqaatsinik atuillaqqipputit, ajornanngippallu kalaallisut, qallunaatut tuluttullu  aamma kalaallit kulturiannut aamma Kalaallit Nunaanni inuiaqatigiinnut tunngatillugu ilisimasaqarputit, 
• attaveqaqatiginnittarnermik paasisimasaqarputit, taamaalilluni inatsisilerituujunngitsoq oqariartuummik paasisaqarsinnaassammat,
• allaaserisanik misissueqqissaarsinnaalluarputit kisitsisinillu paasisimasaqarluarputit

Aningaasarsiat atorfinitsitaanermilu pissutsit

Atorfik piffissaq tamaat suliffiuvoq, sapaatip akunneranut nal. akunneri 40-t suliffiusarlutik, aamma Inatsisilerinermut aamma Nuna tamakkerlugu pilersaarusiornermut immikkoortortaqarfimmi, immikkoortortaqarfimmi pisortaq qullersarineqassaaq. Aningaasarsiat atorfinitsitaanermilu piumasaqaatit atorfinitsitaanerup nalaani Namminersorlutik Oqartussat pineqartullu isumaqatiginninniarsinnaatitaasutut kattuffiata akornanni isumaqatigiissut atuuttoq najoqqutaralugu atorfinitsitsisoqassaaq.

Ilinniagartuut isumaqatigiissutaanni piumasaqaatit naammassineqarpata immikkut siunnersortitut imaluunniit siunnersortit pisortaattut atorfinitsitsisoqarsinnaavoq. Immikkut siunnersortip ilaatigut atorfimmut attuumassutilimmik suliatigut qaffasissumik immikkut ilisimasaqarnissaa aallaaviatigullu suliassaqarfiup iluani sivikinnerpaamik ukiuni pingasuni naleqquttumik sulinermik misilittagaqarsimanissaa piumasaqaataapput. Siunnersortit pisortap suliassaqarfiup iluani aallaaviatigut sivikinnerpaamik ukiuni arfinilinni naleqquttumik sulinermik misilittagaqarsimanissaa aamma nalinginnaasumik ukiualunni immikkut siunnersortitut atorfeqareersimanissaa piumasaqaataapput.

Naalagaaffimmi atorfilittat, aammalu AC-mi isumaqatigiissutit arlallit malillugit atorfillit, ilaatigut DJØF-ip aamma Finansministereqarfiup akornanni isumaqatigiissut malillugu, Namminersorlutik Oqartussani atorfeqarnermut atatillugu aningaasarsiaqarfiginngisamik sulinngiffeqarnissamut pisinnaatitaaffeqarput. Taamatuttaaq Namminersorlutik Oqartussani atorfeqarnerup nalaani aningaasarsiaqarfiginngisamik sulinngiffeqarnissamut qinnuteqaatinut naapitsiniartarnissaq pillugu Indenrigsministereqarfik kommuninut nunallu immikkoortuinut innersuussisimavoq. Sulinngiffeqarnissaq pillugu aalajangersakkani aamma ilaapput Namminersorlutik Oqartussani inunnut atorfeqartunut nuliarisat-uigisat/inooqatigisat.

Suiaassuseq, inuiattut tunuliaqutaqarneq, upperisaq, imaluunniit innarluuteqarnerit apeqqutaatinnagit naligiissitsinissamik siuarsaanissaq Naalakkersuisoqarfiup kissaatigaa. Taamatuttaaq inuttut inuunermi misilittagaqarneq, inuttullu inerisimassuseq iluaqutaasutut isigisaraavut.

Inissiaq

Atorfimmut sulisumut inissiamik innersuussisoqanngilaq. Qinnuteqartoq Namminersorlutik Oqartussani atorfeqarfik aqqutigalugu sulisunut inissiamik peqariissappat sulisunut inissiamut innersuussutaasumut pisinnaatitaaffik pigiinnarneqassaaq. Sulisunut inissiaq atorfeqarfigisamut attuumavoq, soraarnermilu qimanneqassaaq.

Paasissutissat sukumiinerusut, qinnuteqaat atorfininnerlu

Atorfik pillugu erseqqinnerusumik paasissutissat ukununnga saaffiginninnikkut pissarsiarineqarsinnaapput

• Immikkoortoqarfimmut pisortaagallartoq Per Nielsen, oqarasuaat +299 34 64 08 imaluunniit e-mail pnil@nanoq.gl
• Siunnersortit pisortaat Simon Mogensen, oqarasuaat +299 34 65 78 imaluunniit e-mail simog@nanoq.gl

Qinnuteqarnermut killiliussaq tassaavoq ulloq 27. august 2026.

Isumaqatigiissut malillugu atorfinittoqassaaq, ajornanngippalli 1. oktobari 2026-mi.

Qinnuteqaat, CV, ilinniarsimanermut pikkorissarsimanermullu uppernarsaatit, kiisalu uppernarsaatit allat attuumassuteqartut “Qinnuteqaat nassiuguk” toorneratigut nassiutikkit.

E-mailikkut qinnuteqaatinik tigusaqarneq ajorpugut.