Ilisimatusarfik Issittumi Inuiaqatigiilerinermik Aningaasaqarnermillu Ilisimatusarnermik Immikkoortortaqarfimmut ilisimatusaatigalugu tullersortimik novembarip aallaqqaataani 2026 isumaqatigiinnikkulluunniit atorfinittussamik pissarsiorpoq. 

Inuiaqatigiilerinermik imaluunniit aningaasaqarnermik ilisimatusarnerup iluani tunuliaqutaqarnissat piumasaqaataanngilaq, aaqqissuussisinnaaguilli, suliassanik nutaanik sammisaqarusussuseqaruit aamma ilinniakkanik aaqqissuusseqqinnermut ineriartortitsinermullu suleqataarusussuseqaruit pingaartipparput.

Inuiaqatigiilerinermik aningaasaqarnermillu ilisimatusarnermi ilinniakkanut akisussaaffik Issittumi Inuiaqatigiilerinermik Aningaasaqarnermillu Ilisimatusarnermik Immikkoortortaqarfiup ataaniippoq. Taamaattumik immikkoortortaqarfimmi atorfillit ilinniakkanik aamma ilisimatusaatigalugu sulianik ilinniakkamut tunngasunik ineriartortitseqataanissaminnut allaffissornikkullu taperseeqataanissaat naatsorsuutigineqarpoq.

Ilinniakkani maanna 130-t missaannik ilinniartoqarpoq. Taamaattumik immikkoortortaqarfimmi ineriartortitsinermi allaffissornermilu suliassanut tunngatillugu ilisimatusaatigalugu tullersortimik pisariaqartitsisoqarpoq. Aallaavittut atorfik piffissaq tamakkerlugu suliffiussaaq, piffissalli ilaannaani atorfeqartitsisoqarsinnaanera isumaqatigiissutigineqarsinnaavoq.

Ilinniarsimanikkut tunuliaqutit, qassinik ukioqarnerit suiaassutsilluunniit suugaluarpat qinnuteqaateqarnissat kissaatigaarput.

Piginnaasassatut piumasaqaatit:

• Kandidatitut naleqquttumik ilinniagaqarsimaneq.
• Kalaallit Nunaat kalaallillu inuiaqatigiit pillugit ilisimasaqarneq.
• Angalanernut tunngasunik pilersaarusiornermik piareersaanernillu misilittagaqarneq.
• Attaveqaqatigiinnerup, ataqatigiissaarinerup aamma allattariarsorluni saqqummiussinerit iluanni piginnaasaqarneq. 
• Kalaallisut, qallunaatut tuluttullu pingasuinnik oqaaseqaruit iluaqutaassaaq, tamannali piumasaqaataanngilaq.

Malugiuk, suliassat ataani allassimasut qinnuteqartup tamaasa iluarsisariaqanngilai, assersuutaannaappulli. Piginnaasat, tassa allaffissornermut, ineriartortitsinermi suliassanut imaluunniit atuuffinnut allanut tunngasut ataqatigiissillugit imaluunniit taakkua ilaat arlaannit pingaarnerutillugit, qinnuteqartup suliarisinnaavai. 

Suliassatut assersuutit pingaarnersiornagit tulleriiaakkat:

• Ilisimatusarfiup iluani avammullu attaveqarneq.
• Ilinniartitsissutini ingerlassanik pilersaarusiorneq ataqatigiissaarinerlu, skemanik soraarummeersitsinernillu pilersaarusiorneq.
• Ineriartortitsinermi misiliummillu suliniusiornerit kiisalu immikkoortortaqarfiup pisortaata suleqatigineratigut avataanit aningaasaliiffigineqarnissamut tunngasunik suliaqarneq.
• Ilinniartunut aaqqissuussinerit.
• Tikeraatut ilinniartitsiartortunik attaveqateqarnerit.
• Ininik illumilu atorissaarutinik allanik inniminniinerit.
• Aningaasaateqarfinnut qinnuteqaasiornerit.
• Ilinniakkamik nittarsaassineq.
• Teknikkimut IT-mullu tunngasut.
• Ilinniartitsinissamut piareersaanermut atatillugu suliassat takkussuuttut ass. atuagassat assilineri.

Atorfik pillugu paasissutissat sukumiinerusut Issittumi Inuiaqatigiilerinermik Aningaasaqarnermillu Ilisimatusarnermik Immikkoortortaqarfiup aqutsisuanut Rasmus Leander Nielsen-imut saaffiginninnikkut pissarsiarineqarsinnaapput , raln@uni.gl  oqa. (+299) 347326 imaluunniit instituttip pisortaanut Annemette Nyborg Lauritsen-imut, anla@uni.gl  oqa. (+299) 347360. 

Qinnuteqaat.

Ilisimatusaatigalugu tullersortitut qinnuteqaat, allaganngorlugu qinnuteqaatip saniatigut, ukuninnga imaqassaaq:
Ilanngussaq 1:                         Curriculum Vitae.

Ilanngussaq 2:                         Ilisimatusarfinnit gradinnassutigisimasanut uppernarsaatit.

Ilanngussaq 3:                         Oqaaseqaatinik aallerfiusinnaasut inuit pingasut attaviginissaannut paasissutissat.

Ilisimatusaatigalugu tullersortitut atorfik ukiunik pingasunik killiligaavoq Kalaallit Nunaannilu najugaqavinnissaq piumasaqaataalluni.

Atorfinitsitseriaaseq

Qinnuteqaatit tiguneqartut atorfinitsitsinermut ataatsimiititaliamit nalilersorneqarumaarput.

Ilisimatusarfik pillugu
lisimatusarfik 1987-imi pilersinneqarpoq. Maannakkuugallartoq ilinniarneqarsinnaasut assigiinngitsut 13-upput, taamatuttaaq Ilisimatusarfiup neqeroorutigai diplom-imut masterimullu saniatigut ilinniarnerit. Ilisimatusarfik issittumi universitetiuvoq nunarsuup ilaani pilertortumik ineriartorfiusumi nutaanik ilisimasaqalerfiusoq nutaaliorfiusorlu. Siulersuisut tassaapput Ilisimatusarfiup qullersai. Ulluinnarni aqutsineq rektorimit direktørimillu ingerlanneqarpoq. Instituttit sisamaasut Instituttini Siunnersuisoqatigiinnit siunnersorneqartumik siulersorneqarput.

Ilisimatusarfik sisamanik instituteqarpoq: 

• Ilinniartitsinermik Ilisimatusarfik
• Inuiaqatigiilerinermik, Aningaasaqarnermik Tusagassiornermillu Ilisimatusarfik
• Kulturimik, Oqaatsinik Oqaluttuarisaanermillu Ilisimatusarfik
• Peqqissaanermik Pinngortitamillu Ilisimatusarfik

Allaffissornikkut aqutsisoqatigiiffik pillugu
Allaffissornikkut aqutsisoqatigiiffiup ilisimatusarfik tamakkerlugu sullitaraa. Ilisimatusarfiup direktørianit aqunneqarpoq. Allaffissornikkut aqutsisoqatigiiffik Ilimmarfimmi Ilinniarfissuarmilu immikkoortortaqarpoq. Immikkoortortat ilinniartitsivinni ingerlatsiviusunik qanimut suleqateqartarput soorlu namminneq akunnerminni aamma suleqatigiittartut. Allaffissornikkut aqutsisoqatigiiffimmi suliassat tassaapput: ilinniartut pillugit-, sulisut pillugit allaffissornikkut aqutsineq, Siulersuisunik, Akademisk Rådimik kiisalu ilimmarfimmi sulisunik ilinniartunillu sullissineq. Allaffissornikkut aqutsisoqatigiiffiup Ilimmarfiup illutaanik sanaartornermik nakkutiginninneq aamma ingerlataraa. 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Qinnuteqartoq uppernarsaatitalinnik piginnaasalik immikkut siunnersortitut, siunnersortit pisortaatut siunnersortaanertulluunniit isumaqatigiissutit naapertorlugit atorfinitsinneqarsinnaasarpoq.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qaammatini pingasuni misiliilluni atorfeqarneq

Uani atorfimmi qaammatini pingasuni misiliilluni atorfinitsitsisoqassaaq.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.