GUX Nuuk-mi AC-fuldmægtigitut atorfinittussamik erninermut atatillugu paarlatsissamik ujartuivoq. Atorfik 1. oktober 2026-mi imaluunniit tamatuma kingorna piaarnerpaamik inuttalerneqassaaq. Atorfik ulloq naallugu suliffiuvoq, aammalu killilimmik atorfinitsitsinerulluni juli 2027 aallartinnerata tungaanut. 

GUX Nuuk Kalaallit Nunaanni ilinniarnertuunngorniarfiit annersaraat. Ilinniarfimmi ilinniartut 500 missaaniipput. ukiuni pingasuni klassini 7–8-ni agguataaqqasarput. Ilinniartitsisut 50-t missaanniipput kiisalu PAM-it 15-t missaanniillutik. Atuarfitta ilinniartui assigiinngitsunik tunuliaqutaqarput aammalu assigiinngissitaartunik inooqataanikkut ilinniarnikkullu atugassaqarlutik, kisianni tamarmik ataatsimoorlutik ilinniarnertuunngorniarnissartik anguniagaraat. 

GUX Nuuk kollegiaqarpoq ilinniartuutigullu tunumiik, Paamiuniik kiisalu sineriak tamakkerlugu pifinniik assigiinngitsuneersuupput, amerlanerit Nuumminngaanneertuullutik. Atuarfimmi oqaatsit aappaat tunngavigalugu ilinniartitsineq kiisalu kulturimik aallaaveqartumik ilinniartitsineq tunngavigineqarpoq, sulinitsinnilu ilinniartut tamaasa qitiutinneqartarlutik. 

Atorfik pillugu

AC-fuldmægtigissarsiorpugut ulluinnarni assigiinngitsorpassuarnik suliaqarnissamut nuannarisaqartumik. Ulluinnarni allaffissornikkut ingerlatsinermi pingaarutilimmik inissisimassaatit, HR-imut tunngasunik, pilersaarusiornermik, ataqatigiissaarinermik kiisalu ilinniarnertuunngorfimmi ineriartortitsinermik suliassaqassallutit. 

Aqutsisunut allaffissornermullu pingaarutilimmik suleqataassaatit, kiisalu atorfinni ineriartortitseqaataanissat ulluinnarnilu ataqatigiissaarinermi ingerlassilluarnissaq akisussaaffimmik kivitseqataassaallutit. 

Suliassat pingaarnerit

AC-fuldmægtigitut ilaatigut makku suliarissavatit: 
• HR-imut tunngasut, soorlu atorfinitsitsineq, sulisussarsiornermi ingerlatsinerit, onboarding kiisalu sulisunut politikkit allaffissornikkullu suleriaatsit nutarterneri. 

• Aqutsisut tapersersorlugit Ilinniartitaanermut Naalakkersuisoqarfik, Ilinniartitaanermut Aqutsisoqarfik kiisalu suliffeqarfiit allat suleqatigalugit ataqatigiissaarineq ineriartortitsinerlu, ilanngullugit saaffiginnissutinik akissuteqartarneq, nalunaarusiortarneq kiisalu malittarisassat nutaat atuutilersinneqarnissaat. 

• Soraarummeernernik pilersaarusiorneq, ataqatigiissaarineq ingerlannerlu aqutsisut, ilinniartitsisut allaffissornerlu suleqatigalugit. 

• Allaffissornikkut ingerlatsineranik ineriartortitsinermillu suliaqarnissat. 

• Allaffissornikkut ingerlaavartumik suliassanik pilersaarusiorneq ataqatigiissaarinerlu. 

• Ilinniartunik tigumminniinnarnissamik pitsaassutsimillu qulakkeerinermut tunngatillugu sulianut tapersersueqataaneq. 

• Misissueqqissaarnernik, allakkianik, saqqummiussanik aqutsisunullu aalajangiinissamut tunngavissianik suliaqarneq. 

• Suliassat allat pisariaqartinneqartut, ulluinnarni ingerlatsinermut pitsanngueqataanissamut eqaannerulersitseqataanissamut peqataanissat. 

Naatsorsuutigaarput

• Kandidatitut naleqquttumik ilinniagaqarsimassasutit.

• Allaffissornermi nukittuumik piginnaasaqassasutit aammalu aaqqissuussaasumik sulisinnaassasutit. 

• Ullut suliffiit assigiinngiiaartut nuannarissagitit aammalu ulapaarfiugaluarpalluunniit ataatsimut isiginnissinnaassasutit. 

• Namminersorlutit sulisinnaassasutit, suliniuteqartarlutit, pingaarnersiuisinnaallutit suliassanillu naammassinnittarlutit. 

• Suleqateqarluarnissamut kajumissuseqassasutit aammalu suliffeqarfimmi assigiinngitsunik suleqateqarnissat nuannarissagit. 

• Allattariarsornikkut oqalunnikkullu pitsaasumik attaveqarsinnaassasutit. 

• Eqqarsartaatsikkut eqaatsumik aaqqiissutissarsiornermillu isiginnittaaseqarlutit kiisalu suleqatinut ilinniartunullu kiffartuussiumatuujusutit. 

Neqeroorutigaarput Suliffik pingaarutilik pissanganartorlu, tassani suliffeqarfiup immikkoortuisa assigiinngitsut tamaasa suleqatigissallugit periarfissaqassaatit kiisalu allaffissornikkut ingerlatsinerit ineriartortitsinerillu sunniuteqarfigisinnaallugit. 

Suliffeqarfimmi suliaminnik pingaartitsisut, suleqatigiinneq pitsaasoq ulluinnarnilu ullut assigiinneq ajortut akornanni suleqataalissaatit.

Akissarsiat atorfinitsitaanermilu atugassarititaasut

Akissarsiat atorfinitsitaanermilu atugassarititaasut, ilanngullugit atorfininnermi soraarnermilu angalanerit kiisalu pequtit nuunneri, atorfininnermi isumaqatigiissut imaluunniit isumaqatigiissutit Kalaallit Nunaanni Namminersorlutik Oqartussat kiisalu kattuffik isumaqatiginninniarsinnaatitaasoq naapertorlugu ingerlanneqassapput. 

Inissaq 
Atorfik sulisunut inissamik ilanngussaqanngilaq. 

GUX Nuuk pillugu aammalu Nuuk pillugu paasissutissat amerlanerusut nittartakkatigut atuarneqarsinnaapput. 

Paasissutissat annertunerusut
Paasissutissanik amerlanerusunik pisariaqartitsiguit Ilinniartitaanermut pisortaq Maureen Hendrikx oqarasuaammut +299 256102-imut imaluunniit rektori Arnannguaq Christiansen oqarasuaammut +299 363396-imut attaveqarfigisinnaavat. 

Ataavartumik oqaloqatiginninnerit ingerlanneqassapput. Qinnuteqaatit CV aammalu ilinniarsimanermut uppernarsaatit ilanngullugit portalikkut kingusinnerpaamik ataasinngorneq 18. september 2026 nassiunneqassapput.