AC-fuldmægtig imaluunniit suliniummut aqutsisoq isumaginninnermut suliassaqarfiup ineriartortinnissaanut
Inuiaqatigiinni sanngiinnerpaanut suliniutinik ineriartortitseqataarusuppit?
Isumaginninnermut, Suliffeqarnermut, Ilaqutariinnut Nunamullu Namminermut Naalakkersuisoqarfimmi AC-fuldmægtigissarsiorpugut, Nunatsinni inersimasunut utoqqarnullu isumaginninnnikkut atugarliortunut suliniutinik ineriartortitseqataasussaq nukittorsaasussarlu.
Suliassaqarfiit akimorlugit isumaginninnermut suliniutinik ineriartortitsinermi sulinermut qitiusumik inissisimassaatit – pingaartumik inuiaqatigiinni innuttaasunut sanngiinnerpaanut pitsaanerusumik ataqatigiinnermik, pitsaassutsimik suliniutillu sunniutaannik pilersitsinissaq ukkataralugu.
Atorfik siammasittumik tunngaveqarpoq ilaatinneqarlutillu suliniutinik suliaqarneq, misissueqqissaarineq, ataqatigiissaarineq naalakkersuisunillu sullissineq.
Atorfik pillugu
Suliamut nukittuumik avatangiiseqarfiusumut ilaalissaatit, naalakkersuinikkut anguniakkat iliuusissanut, suliniutinut aaqqiissutissanullu tigussaasunut tutsillugit suliaqartarluta.
Suliassat siammasissuupput ilaatigut makkuusussat:
- Isumaginninnikkut naalakkersuinermik suliniutinik ineriartortitsinermullu iliuusissanik pilersaarusiorneq, ataqatigiissaarineq ingerlatsinerlu
- Inersimasunut utoqqarnullu isumaginninnikkut atugarliiortunut suliniutinik ineriartortitsineq piviusunngortitsinerlu
- Naalakkersuisunik sullissinermut ilaaneq, tassunga ilanngullugit Naalakkersuisut isummernissaannut tunngavissat, allakkat misissueqqissaarinerillu
- Inatsisartut suleriaasianni § 37 naapertorlugu apeqqutinik naalakkersuinikkullu apeqqutinik allanik akissuteqarneq
- Suliassaqarfiit suliniutinullu suleqatigiissitat akimorlugit ataqatigiissaarineq ingerlanernillu aqutsineq
- Tunuliaqutaasut pillugit allakkat, aalajangiinissamut tunngavissiat misissueqqissaarinerillu
- Suliffiup iluani avataanilu attaveqaqatigiinnermut ilanngussaqarneq, tassunga ilanngullugit isummernissamut tunngavissiat, oqalugiaatit tusagassiorfinnullu nalunaarutit
Atorfik nammineersinnaassuseqarnermik akissussaaffimmillu annertuumik piumasaqaateqarpoq, suliallu siuariartortitsinissat – peqatigalugulu suleqatit avataaniillu suleqatit qanimut suleqatiginissaat naatsorsuutaalluni.
Sulianik ingerlatsisinnaasumik siuariartortitsisinnaasumillu pissarsiorpugut
Suleqatissamik tunniusimasumik aamma innuttaasunut isumaginninnikkut atugarliortunut allanngueqataarusuttumik pissarsiorpugut. Naalakkersuinikkut aalajangiinermut qanimut naalakkersuisoqarfimmi qitiusutut inissisimassaatit. Suliassatit nikerartuusssapput misissueqqissaarinerup, aqutsinerup ineriartortitsinerullu akornanni siammaqqallutik – illit suliassanut ilanngussinissamut sunniuteqarnissamullu aamma periarfissaqassallutit.
Sulinermi suliassaqarfiit akimorlugit suleqatigiinneq, naalakkersuisoqarfiup iluani aamma qitiusumik allaffeqarfik akimorlugu aamma ilaassapput, pingaartumik isumaginninnermut naalakkersuinermut aningaasaqarnermullu tunngatillugu ajornartorsiutinut attuumassuteqartillugit.
Nalinginnaasumik misissueqqissaarinerit anginerusut ingerlatsinermullu suliassat minnerusut ilaapput, aamma nammineq isumassarsiat iliuusillu pillugit ilanngussaqarnissamut periarfissaqarluarluni.
Ukiorpassuarni misilittagaqarnerit pingaarnerpaajunngilaq – kisianni tunniusimanerit, akisussaassuseqarnerit aamma sulianik ingerlanernillu aqutserusunnerit pingaarnerupput.
Naatsorsuutigaarput:
- Qaffasissumik ilinniagaqartutit (bacheloritut kandidatitulluunniit)
- Isumaginninnermut suliassaqarfimmut atugarissaarnermullu soqutiginnittutit – imaluunniit suliaqarusuttutit
- Suliniutinik ingerlanernillu aqutsinissamut ingerlatsinissamullu nukissaqartutit kajumissuseqartutillu
- Aaqqissuussaasumik sulisinnaasutit suliassanilu paasiuminaassinnaasuni tamakkiisumik paasinnissinnaasutit
- Aningaasaqarnermut inatsisilerinermullu ataqatigiinnik paasisimasaqartutit
- Allakkatigut oqaatsitigullu siammarterilluarsinnaasutit
- Nammineq suliassanik suleqatigiinnilu suleqateqarlutik sulisinnaasutit
- Naalakkersuinikkut aqunneqartumik aaqqissuussami ilikkagaqarusuttutit ineriartorusuttutillu
Suliniummik suliaqarnissamut misilittagaqarneq sulerusussuseqarnerluunniit, pisortat ingerlatsinerannik aamma isumaginninnermut suliassaqarfimmi ilisimasaqarneq iluaqutaassapput, piumasaqaataanatilli.
Kandidatit misilittagartuut naammasserlaallu tunniusimasut piginnaasallillu soqutigivagut.
Nunatsinni inuiaqatigiinnut pissutsinik piorsarsimassutsimillu ilisimasaqarneq iluaqutaassaaq piumasaqaataanngilarli. Marluinnik oqaaseqarneq aamma iluaqutaassaaq piumasaqaataananili.
Immikkoortortaqarfik pillugu
Isumaginninnermut Ilaqutariinnullu Immikkoortortaqarfik naalakkersuinikkut inatsisiliornermut, periusissianut iliuusissanullu tunngatillugu suliamut naalakkersuinikkullu aalajangiinissamut tunngavissat ilaatigut suliarinissaannik isumagittittussaavoq.
Immikkoortortaqarfik inersimasunut utoqqarnullu suliassaqarfimmi isumaginninnikkut atugarliortunut ineriartortitsinermik pingaarnertut akisussaaffeqarpoq. Tamatuma saniatigut immikkoortortaqarfik inersimasunut ilaqutariinnullu akisussaaffeqarpoq.
Ingerlanernut tamarmut ilannguttussaavutit – misissueqqaarnerit siullerniit aamma ilusiliinermut allattukkaniit suliamut suliarineranut, piviusunngortitsinissamut naalakkersuinikkut aalajangiinermut kingornatigullu naliliinermut.
Tamatuma saniatigut immikkoortortaqarfik ingerlatsinermut nalinginnaasumut ilaavoq, tassunga ilanngullugit tusarniaanermut akissutinut, nassuiaatinut, naalakkersuinermik sullissinermut ilanngussaqarneq kiisalu isumaginninnermut suliassaqarfimmi ineriartortitsinermut malitseqartitsinermullu tunngasunik suliassat.
Naalakkersuisoqarfik pillugu
Isumaginninnermut, Suliffeqarnermut, Ilaqutariinnut Nunamullu Namminermut Naalakkersuisoqarfimmi sulisut 35-t missaanniippugut immikkoortortaqarfinnut makkununnga agguagaalluta Aqutsinermut Allattoqarfik, Isumaginninnermut Ilaqutariinnullu, Suliffeqarnermut aamma Nunamut Namminermut kiisalu Nakkutilliinermut Immikkoortortaqarfiit.
Suliassaqarfittut akisussaaffik akimorlugu naalakkersuinikut anguniakkat piviusunngortinnissaat pillugu sulivugut. Tassunga ilaatigut ilaatinneqarput Nunatsinni innuttaasunut atugarliortunut pissutsinik nukittorsaasussanik inatsisiliorneq, periusissiat aamma ineriartortitsinermut suliniutit.
Sulinermut ilaapput misissueqqissaarnerit, politikkimik ineriartortitsineq, naalakkersuisumik sullissineq, suliniutit suliassaqarfiillu akimorlugit ataqatigiissaarineq.
Suliamut piginnaasaqarneq, suleqatigiinneq sullivimmilu avatangiisut ineriartornermut, akisussaanermut isumassarsiatsialannullu inissiqartitsineq pingaartippagut. Atugarissaarneq ilikkagaqarnissamullu periarfissat pingaartitaraagut.
Naalakkersuinikkut aqunneqartumik aaqqissuussami sulisinnaassaatit, amerlanertigut sukkasuumik ingerlaffiusumi, aamma suliassat ineriartortitsinermut suliniutit angisuut pilersuinerillu piaartumik naammassisassat akornanni nikerarlutik.
Piorsarsimassuseq sullivimmilu avatangiisit
Suliamut piginnaasaqarneq, ineriartorneq nutaamillu eqqarsarneq ingiaqatigiissillugit anguniagaralugit piorsarsimassuseqarnissaq pilersinniarlugu sulivugut aamma suliassatta aaqqiiviginissaannut sulisut tamarmik ilanngussaqartussaallutik.
Taamaattumik suleqatigiinnermik sammivilimmik avatangiiseqarlutik sulisinnaanerit pingaartuuvoq, tunniusimaneq, qiimaneq siunersioqatigiinnerlu pissusissamisoortumik ilaatillugit. Atugarissaarneq suliamullu piginnaasanik ineriartortitsineq pingaartinneqarput.
Naalakkersuinikkut aqunneqartumik aaqqissuussami sulisinnaassaatit, amerlanertigut sukkasuumik ingerlaffiusumi aamma piffissaliussut sivikitsuinnaasinnaasuni. Peqatigalugu pingaaruteqarpoq – allakkatigut oqaatsitigullu – ataqatigiinnerit paasiuminaassinnaasut pillugit ersarissumik eqqortumillu siammarterisinnaasutit.
Annertunerusumik paasissutissat
Atorfik pillugu paasisaqarnissanik kissaateqaruit, immikkoortortaqarfimmi pisortaq Gulúnguak Chemnitz emailikkut gulc@nanoq.gl attaveqarfiginissaanut tikilluaqqusaavutit.
Nunarput aamma Namminersorlutik Oqartussat pillugit annertunerusumik paasissutissanik kissaateqaruit, http://naalakkersuisut.gl Suliffissat aqqutigalugu paasisaqarnerusinnaavutit.
Qinnuteqaat
Qinnuteqarnissamut killiliussaq tassaavoq 03.09.2026. Qinnuteqaat, CV, ilinniarsimanermut pikkorissarnermullu uppernarsaatit kiisalu uppernarsaatit attuumassuteqartut allat ”Qinnuteqaat nassiuguk” toorlugu nassiutikkit. E-mail aqqutigalugu qinnuteqaatinik tigooraaneq ajorpugut.
Akissarsianut atorfinitsitsinissamullu tunngasut
Akissarsianut atorfinitsitsinissamullu atugassarititat, tassunga ilanngullugit atorfininnermut soraarnermullu angalanissamut nuunnermullu, Namminersorlutik Oqartussat aamma kattuffiup isumaqatiginninniarsinnaatitaasup pineqartup akornanni isumaqatigiissut atuuttoq naapertorlugu pisinnaatitaaffik.
Atorfik Fuldmægtigitut imaluunniit Immikkut Siunnersortitut inuttalerlugu aallaavigineqassaaq. Qaffasinnerusumik ilinniagaqaruit, piginnaasat aallaavigalugit Siunnersortinut pisortatut atorfinittoqarnissaanut aamma periarfissaavoq.
Ineqarneq
Atorfimmut inissaqartitsisoqanngilaq. Qinnuteqartoq Namminersorlutik Oqartussani atorfeqarneq aqqutigalugu sulinermut inissiaqareerpat, inissiamut innersuunneqarneq pillugu pisinnaatitaaffik attatiinnarneqassaaq. Sulinermut inissiaq atorfeqarnermut tunngassuteqarpoq, atorfeqarnerullu naanerani qimanneqassalluni.
Om Naalakkersuisut
Søger du udfordringer og har lyst til at præge hverdagen gennem dit arbejdsliv og være med til at forme fremtiden, så er et job hos Grønlands Selvstyre noget for dig. Vi forventer stor ansvarlighed og vægter faglige kvalifikationer, en sund analytisk tilgang til tingene samt omstillingsparathed højt hos medarbejderne. Herudover er din evne til at strukturere hverdagen og bevare overblikket vigtig. Grønlands Selvstyre består af en Centraladministration, med mere end 650 ansatte fordelt på flere departementer, samt en lang række decentrale enheder. Tilsammen er vi mere end 2500 mennesker tilknyttet Grønlands Selvstyre. Centraladministrationens opgave er, at sikre Naalakkersuisut (regeringen) et solidt politisk beslutningsgrundlag, samt at føre de politiske beslutninger ud i livet. Du kan læse mere om Grønlands Selvstyre på http://www.naalakkersuisut.gl/job