Atuisartoqarnermut Unammilleqatigiinnermullu Aqutsisoqarfik allaffimmiussarsiorpoq

Atuisartoqarnermut Unammilleqatigiinnermullu Aqutsisoqarfiup allattoqarfia allaffimmiussarsiorpoq.

Aqutsisoqarfimmi anginngitsumi, assigiinngitsorpassuarnik suliassaqarfiusumi, suleqataassaatit, inatsisilerituut, aqutsisut aamma sulisut allat ulluinnarni sulineranni tapersersorlugit.

Suliassatit

Suliassat ilaatigut makkuussapput: Public360-imi sulianik pilersitsineq journaliseeriinerlu, ataatsimoorussamik e-mailimik telefonikkullu saaffiginnissutinik suliaqarneq, suliami paasissutissanik pissarsiniarneq aaqqissuussinerlu, aalajangiussanik piareersarneq nassiussinerlu, sullissisunik ataatsimiititalianillu allaffissornikkut tapersersuineq, allaffissornikkut ingerlatsinikkullu suliassat annikinnerusut, pisiniarneq, nutserinernik annikinnerusunik suliaqarneq kiisalu allattoqarfimmi pisariaqartitsineq naapertorlugu suliassat allat.

Sulisussamut eqqortumut ineriartornissamut periarfissaqassaaq, piffissallu ingerlanerani nammineerluni sullissinermik suliaqartalernissamut periarfissaqarsinnaalluni.

Naatsorsuutigaarput illit

• allaffissornikkut naleqquttumik tunuliaqutaqartutit imaluunniit misilittagaqartutit
• aaqqissuussaasumik namminersorlutillu sulisinnaasutit
• suliassanik arlalinnik ataatsikkut aqutsisinnaasutit
• sullissiumatussuseqartutit suleqateqarsinnaallutillu
• IT-mut piginnaaneqarfiginnittutit aammalu systeminik nutaanik sukkasuumik ilikkarsinnaasutit

Kalaallisut qallunaatullu attaveqarsinnaanissat piumasaqaataavoq. Public360-imik ilisimasaqarneq iluaqutaassaaq, piumasaqaataananili.

Paasissutissat allat:
Atorfik pillugu annertunerusumik paasisaqarusukkuit, Aqutsisoqarfimmi Pisortaq Kristina Nordby oqarasuaatikkut +299 539452 imaluunnit e-mailikkut krno@nanoq.gl attavigisinnaavat.

Qinnuteqaat:

Qinnuteqarnissamik piffissarititaq: 13. septembari 2026 nal. 12:00. 

Oqaloqatigiinnerit ingerlaavartumik ingerlanneqarumaarput, piaarnerpaamillu atorfinitsitsisoqassalluni.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Qinnuteqartoq uppernarsaatitalinnik piginnaasalik immikkut siunnersortitut, siunnersortit pisortaatut siunnersortaanertulluunniit isumaqatigiissutit naapertorlugit atorfinitsinneqarsinnaasarpoq.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Atuisartoqarnermut Unammilleqatigiinnermullu Aqutsisoqarfik pillugu annertunerusumik uani paasisaqarsinnaavutit: www.aua.gl](http://www.aua.gl