Bygningsingeniør til Bygning, Renovering, Midlertidige Indkvartering & Indkøb

Illuutinut, Nutarterinermut, Najugaqartitsigallartarnermut Pisiortornermullu Allaffimmi Bygningsingeniøri

Ingeniøritut ilinniakkat teknikkikkut suliassanik assigiinngitsunik suliaqarnissamut atorusuppiuk Nuummilu Namminersorlutik Oqartussat allaffeqarfiinik inerisaaqataallutillu aserfallatsaaleqataassavit? 

Bygningsingeniørimik, civilingeniørimik imaluunniit issittumi ingeniørimik pissarsiorpugut, assigiinngitsorpassuarnik suliaqarusuttumik, soorlu illit illuutinik, teknikkikkut atortulersuutinik, naatsorsuinernik, allanngortiterinermik kiisalu siunissaq ungasinnerusoq isigalugu aserfallatsaaliinermik suliaqassaatit. 

Illuutinut, Nutarterinermut, Najugaqartitsigallartarnermut Pisiortornermullu Allafimmi suleqatigiinnut ilaassaatit, Namminersorlutik Oqartussat Nuummi  allaffeqarfiini 25-t missaanniittuni teknikkikkut ingerlatsinermut aserfallatsaaliinermillu sulianut akisussaaffeqassallutit. 

Atorfik aqutsisutut akisussaaffimmik ilaqanngilaq.  Illit suliassat tassaassaaq teknikkikkut suliassat pilersaarusioqataaffigalugit ataqatigiissaarlugillu, kiisalu suliat suliarineqarnissaannut malinnaallutit. Suleqatitit avataaniillu siunnersortit, pilersuisut sanasullu qanimut suleqatigalugit tamanna pissaaq. 

Atorfik pillugu

Illuutinut ingeniøritut teknikkikkut tunngasunik arlalinnik suliassaqassaatit.  Illuutini suliassanik suliaqartassaatit kiisalu aserfallatsaaliinermik ingerlaavartumik siunissamullu ungasinnermut pilersaarussioqataasassallutit. 

Suliassat ilaatigut makkuussapput:

• illuutinut atortulersuutinullu pillugit teknikkikkut naatsorsuinerit nalilersuinerillu 
• silaannarissarfiit illumilu teknikkikkut atortulersuutit allat ikkunneqarsimasut
• ajornartoornermi innaallagissiuutit teknikkikkut suliassartaat 
• illuutaareersunik allanngortiterinerit allannguinerillu 
• illuutit aserfallatsaalineqarnerinut pilersaarusiornerit ingerlaavartumillu malitseqartitsinerit 
• ukiumoortumik pilersaarusiornerit aserfallatsaalisassanillu pingaarnersiuinerit 
• suliariumannittussarsiuussinerit aamma teknikkikkut atortunik suliariumannittussarsiuussinerit 
• immikkoortup suliassaata iluani tunngavissanik isumaqatigiissusiornerit 
• avataanit siunnersortinik, pilersuisunik, entrepenørinik suleqatinillu allanik suleqateqarneq

Suliassat assigiinngiiaartupilussuupput, aamma teknikkikkut suliassanik, allanngortiterinernik kiisalu illuutit aserfallatsaaliniarlugit ingerlaavartumik pilersaarusiornerit ingeniøritut ilinniakkat atorluarsinnaassallugu periarfissaqassaatit. 

Illit pillutit

Bygningsingeniøritut, civilingeniøritut issittumiluunniit ingeniøritut allamilluunniit assigusumik ilinniarsimanissat takorloorparput. 

Teknikkikkut paasisimasaqarluarputit illuutinik, atortulersuutinik aserfallatsaalinermillu soqutigisaqarlutit. Suliassaqarfiit tamaasa siornatigut suliarisimasariaqanngilatit.  Pingaarneq tassaassaaq illit ingeniøritut toqqammaveqarluarnissat teknikkikkullu suliassat assigiinngitsut suliarinissaannut soqutigisaqarnissat. 

Illit makkunannga piginnaasaqarnissat pingaartipparput:

• aaqqissuulluakkamik sulisinnaasutit suliassannillu tamanit takunnissinnaalernissat pilersissinnaagit 
• teknikkikkut ilisimasavit aaqqiiniarluni sulinermut atorsinnaagitit 
• suliassat pilersaarusioriikkat suliarineri iluarigitit kiisalu teknikkikkut atortut takkussuuttut aaqqiinissannik nuannarigigitit 
• suleqatigiinnermik pingaartitsisoq sulianillu suliarinninniarnermut ikiuukkumatooq       • namminersorlutit sulisinnaasutit suliassatillu nammineq akisussaaffigalugit 
• amerlasuunik attaveqarnissat kiisalu suleqatit avataaniillu suleqatit suleqatigissallugit nuannarigit 
• danskisut attaveqarsinnaallutit, kalaallisut oqalussinnaaguit iluaqutaassaaq, piumasaqaataananili 

Kalaallit Nunaannit issitumiluunniit allamit misilittakkat kiisalu issittup silaannaata  illuutinut sunniutigisartagai immikkut ittut ilisimasaqarneq iluaqutaassaaq. 

Neqeroorutigaavut

Suleqatigiinni ikittunik sulisulimmi assigiinngitsunillu ilinniagalinni suleqataalissaatit, suliat pillugit oqaloqatigiinnissamik periarfissalimmi, ilutigalugulu illit nammineq suliassannut akisussaaffeqartinneqassallutit. 

Allaffik Aningaasaqarnermut Sulisoqarnermullu Aqutsisoqarfimmi inissisimavoq tassanilu allaffimmi pisortaq sulisullu arfinillit sulipput.

Suleqatigiinneq inussiarnersumik ingerlasoq, ulluinnarnilu ulapaarfioqisumi sulineq qiimasumik ingerlanneqartoq, aammali ulluinnarni sulinerup ilaqutaqarnerullu imminnut ataqatigiinneranik ataqqinniffiusoq.

Akissarsiat atorfeqarnermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatigiinniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit pissapput.

Sapaatip akunneranut akunnerit 40-t suliffiusarput.

Qinnuteqartunut piginnaasanik eqqortunik uppernarsarneqarsinnaasunillu pigisalinnik isumaqatigiissutit atuuttut malillugit immikkut siunnersortitut atorfinitsitsisoqarsinnaavoq.

Ineqarneq

Atorfimmut atasumik inissaqartitsisoqanngilaq.

Qinnuteqartoq Namminersorlutik Oqartussani atorfeqarnini aqqutigalugu sulisutut ineqareeruni sulisutut inissiamik innersuussivigineqarnissamut pisinnaatitaaffik attatiinnarneqassaaq. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Uagut pilluta

Namminersorlutik Oqartussat qitiusumik allaffeqarfiat 650-it sinnerlugit sulisoqarpoq naalakkersuisoqarfinnut arlalinnut kiisalu aqutsisoqarfinnut immikkoortuinullu avissimallutik.  Aaqqissuussami suleqatigiit 2.500-init amerlanerupput. 

Qitiusumik Allaffeqarfiup suliassai tassaapput, Naalakkersuisut aalajangernissaannut tutsuiginartumik tunngavissinnissaat aamma naalakkersuinikkut aalajangikkat piviusunngortinnissaasa qulakkeernissaat.

Sulisutut illit aaqqissuussami assigiinngitsorpassuarnik ilinniagaqarfiusumi suliassaqarfiusumilu ilaalissaatit.  Suliassamut ilinniarsimaneq, akisussaaneq, suleqatigiinneq kiisalu ulluinnarni suliassat pingaarnersiukkallu allanngorsinnaasumi paatsiveerutinnginnissaq pingaartitaraavut. 

Atorfik pillugu apeqqutissaqaruit Partner Dorthe Flies, Flies HR-imeersoq oqarasuaammut uunga: +299583117 imaluunniit mailimut uunga dorthe@flieshr.dk attavigisinnaavat.

Qinnuteqarnissamut killigititaq: novembarip 23-iani

Atorfik pillugu paasisaqarnerorusukkuit immikkoortortami pisortaq Susie Kristiansen susi@nanoq.gl-mut saaffiginnissinnaavutit.

Tusarfiginissat qilanaaraarput.